Diamars atardi algo prome cu 5 ‘or un dama di nacionalidad americano tabata viahando pa Miami. Na momento cu e pasahero aki tabata pasando control na adouana Americano, e oficialnan di adouana ta topa cu un cantidad considerabel di droga hinka den su maleta. Mesora e pasahero aki di inicial N. R. ta keda deteni y entrega na oficialnan di Polis na airport.
Despues di un interogacion pa oficialnan di polis na airport, e dama a wordo entrega den man di recherchenan di departamento di narcotica, kendenan a hiba e dama na warda di recherche pa mas investigacion. E cantidad di droga cu a wordo haya den su maleta a keda confisca pa autoridadnan local.
