Dave Prowse, e atleta di pesas Britanico cu a converti den actor, kende tabata e curpa maske no e voz di e villano Darth Vader den e trilogia original di Star Wars, a fayece cu 85 aña di edad.
Prowse a fayece diasabra despues di un malesa cortico, su agente Thomas Bowington a bisa diadomingo.
Naci na Bristol, sur occidente di Inglatera na 1935, Prowse tabata un tripel campeon di hisamento di pesas Britanico, y a representa Inglatera na e Commonwealgh Games di 1962 prome cu a cuminsa actua den pelicula cu rolnan cu tabata enfatisa su tamaño comandante, incluyendo e monster di Frankenstein den un par di pelicula di miedo di Hammer Studios.
Director George Lucas a mira Prowse den un rol chikito den ‘A Clockwork Orange’ y a pidi e actor, casi 2 meter di largo, pa audiciona pa Vader of e Wookie Chewbacca den ‘Star Wars’.
Prose despues a bisa BBC cu el a scoge Darth Vader pasobra ‘semper bo ta recorda e guynan malo’.
Prowse a bisti e armadura preto di Darth Vader pa ‘Star Wars’(1977), ‘The Empire Strikes Back’ (1980) y ‘Return of the Jedi’ (1983).
El a lamenta cu, pa motibo di e mascara di Vader, ‘mi por cana den completo anonimato’. “Tur actor kier reconocemento y ami lo kier tin algo manera Luke Skywalker y Han Solo”, el a bisa AP na 1980. “Fortuna ta bay tras di fama.”
Prowse ta laga atras su esposa Norma y nan tres yiu.
