Deadcattv grupo di hoben entreteniendo comunidad

 Deadcattv ta consisti di un grupo di 4 hoben, dedica na produci, graba, edita video pa bo entretenimento. Un idea inspira pa programanan internacional, a cuminsa na luna di maart e aña aki na Aruba y aworaki ta un realidad cu mas di 14 video publica. Durante di un entrevista exclusivo cu Dan Peterson y Michael Anthony Fowler nan a splica cu e videonan ta consisti di varios experimento, pranks, y serie di preguntanan, unda cu ta test personanan riba cay riba nan conocemento di diferente topico.

Deadcattv a wordo acerca te hasta pa Cuerpo Policial cu a gusta nan concepto y asina hunto nan a traha riba un video di un experimento. Tin mas trabou cu nan ta bay haci den cooperacion cu KPA. Segun presentador Dan, e prome video cu mester a traha riba dje tabata esun mas dificil como cu hende na Aruba ‘cera’ lihe unabes un persona desconoci haci nan un pregunta riba caya, pues cooperacion por ta dificil. Aworaki  e parti aki ta bay mas facil como tin diferente tactica cu ta aplica pa haya cooepracion di hende pero e produccion pa yega na suficiente contenido pa un video ta tuma hopi tempo.

Nan tin mas video na caminda, y bo ta haya deadcattv riba Facebook y tambe riba Youtube.