Riba dia 20 di Maart, un video a cuminsa circula riba rednan social caminda bo por mira un truck cu ta brinda servicio na Aruparking staciona den locual ta mustra di ta e parkinglot patras di e tienda Mango na Oranjestad.
Riba e video bo por mira un persona riba un bais ta acerca e truck y conbersando cu un persona den e truck.
Na dado momento e ta saca algo for di e truck y e ta bay. Tin un otro video caminda bo por mira claramente un tipo di intercambio. Riba Facebook, varios hende a comenta riba esaki pasobra tabata tin diferente acusacion cu ta placa te hasta droga ta locual a wordo saca for di e truck. AruParking a duna un declaracion di esaki riba nan Facebook caminda nan ta bisa cu inmediatamente ora cu gerencia di Aruparking a haya e informacion aki, a tuma contacto cu e compania cu ta presta e servicio di towing na Aruparking. Segun e declaracion di Aruparking, e compania contratista di biaha a tuma e pasonan necesario pa loke ta e chauffeur di e towing truck, kende a haya schorsing y ainda e caso ta pendiente bao investigacion.
Aruparking ta lamenta masha hopi mes di e situacion aki y ta para firme pa loke ta e maneho di cero tolerancia.
E declaracion ta sigui splica cu Aruparking ta un compania cu ta haci test di droga sin previo aviso na e trahadonan y contratistanan asina sigurando un ambiente liber di droga.
Click aki pa mira Video 1 y aki pa Video 2
.jpg "Philipine van Aanholt 26 luga prome dia Laser Radial Weganan Olimpico")
