E pareha a haci e anuncio riba Instagram ayera, ambos a post un potret di nan mes dunando un sunchi riba beach. Lovato tambe a post un potret di su renchi.

“Mi tabata sa cu mi stima bo e momento cu mi a conocebo”, Lovato a skirbi. “Tabata algo cu mi no por describi na niun hende cu no a experiencia esaki nan mes, pero pa suerte abo a sintie tambe… Mi nunca a sinti asina stima incondicionalmente pa un hende den mi bida (otro cu mi mayornan), cu mi defectonan y tur cos. Bo nunca ta presiona mi pa ta nada otro cu mi mes. Y bo ta haci mi kier ta e miho version di mi mes.”

Lovato y Ehrich a cuminsa nan relacion e aña aki. Ehrich, di 29 aña di edad, a gana varios nominacion di Daytime Emmy pa su trabou den ‘The Young and the Restless’, a aparece den varios show y pelicula di television y tambe a lansa musica.
Lovato, di 27 aña di edad, a ricibi nominacion pa Grammy, lansa un cantidad di album y single oro y platino.

“Abo ta tur cantica di amor, tur pelicula, tur letra, tur poema, tur cu mi semper por a soña y mas den un parntner pa bida. Palabra no por expresa con infinitamente mi ta namora di bo, mi ta pa semper”, Ehrich a skirbi. “Mi no por pasa otro seconde di mi tempo aki riba Tera sin e milager di tin bo como mi esposa.”

E aña aki, Lovato a lansa varios single, a canta e himno nacional na e Super Bowl y a canta na e Grammys. El a tuma un break di bida publico desde cu a cuminsa enfoca riba su recuperacion despues di un sobredosis na juli 2018.

Lovato, ken a papia tocante su lucha cu un desorden alimenticio, automutilacion, droga y alcohol, a celebra seis aña di sobriedad na maart 2018. Pero el a relapse, revelando e noticia den e cantica ‘Sober’, lansa na juni 2018.

 

LEAVE A REPLY

Please enter your comment!
Please enter your name here