Guarda Costa Merikano ta buscando un dama cu aparentemente a cay for di un barco Carnival Cruise diaranson mardruga den cercania di Bahamas. Testigonan a mira e muhe cay for di e barco alrededor di 2:30 di mardruga. ”E ta un di e momentonan cu no ta sinti real, ora cu bo tin cu stop y pensa un rato, nan a caba di bisa cu un persona a cay for di e barco? Anto despues ripiti esaki cuater biaha mas.” Shannon Parks di Oean Isle Beach, North Carolina, ta bisa agregando cu e tabata drumi ora cu e crew a bati alarma den e barco.
Segun Carnival, e barco Ecstasy di 260 Meter halto ta carga casi 3,000 pasahero y staff. Guarda Costa Air Station Miami a manda un MH – 65 Dolphin Helicopter, un avioneta HC-144 Ocean Sentry entre otro pa busca e dama di 32 aña di edad. No ta conoci e motibo ainda pakico esaki a sosode.
Fuente: CNN
