Ta pidi studiante, mayor, empresa, gobierno, Misa, Sindicato, individuo y NGO’s nan pa uni den un compromiso pa impedi fin di tur producto plastico pa bon di salud humano y planetario exigiendo un reduccion di 60% di productonan plastic pa 2040 y e obhetivo final pa construi un futuro sin plastic pa generacionnan venidero.

Pa logra un reduccion di 60% pa 2040; (1) Conscientisa e daño causa dor di plastic, salud humano, animal y biodiversidad completo y exigi mas investigacion implicacionan pa salud, divulga tur informacion riba e efectonan publico. (2) Rapidamente elimina tur loke ta plastic di un solo uso pa 2030 y elimina gradualmente den e tratado di e Organisacion di Nacionnan Uni riba e contaminacion di plastic na 2024. (3) Exigi politiconan pa pone un fin na e plaga di modanan rapido y na gran cantidad di plastic produci y utilisa. (4) Inverti den tecnologia y materialnan innova pa construi un mundo sin plastic.

Plastic ta mas leu di ta un problema ambiental serio. E ta un menasa grave pa salud humano asina alarmante manera e cambio climatico. Na momento cu e plasticnan ta bay descompone e micro organismonan ta saca substancianan kimico toxico den nos fuentenan di alimento y awa y nan ta keda circula den e aire cu nos ta respira. Produccion di plastic a crece mas cu 380 miyon di tonelada pa aña. Den e ultimo dies aña a ser produci mas plastic cu siglo XX y e industria tin plania pa crece explosivamente den un futuro indefini.

Tur e plastic nan aki a wordo produci pa un fabrica “Petro Kimico” cu un historia abysmal di emisionnan toxico, derame y explosivo. Plasticnan ta ser produci den instalacionnan contamina cu di un manera parce cu nan ta semper ubica den barionan mas pober. Algun plastic ta letal ora e wordo kima. Otro plasticnan ta transmiti substancianan kimico cu ta altera hormoonnan. Tur plastic por mata parha y sofoca bida marino. Den cada etapa di ciclo di bida for di posnan petrolero te cu dump, plastic ta keda un plaga peligroso.

Ley contra productonan plastico
 Por corda cu na aña 2018, Ministerio di Desaroyo Teritorial, Infrastructura y Medio Ambiente a anuncia e introduccion di un ley nobo locual ta prohibi productonan desechable di plastico di un solo uzo (incluyendo biodegradables y compostables), productonan di styrofoam (polysterne), y tambe prohibicion di productonan cu ta contene kimico oxybenzone den cremanan anti solar.

Tabata entrante1 di juli 2020, Gobierno di Aruba a prepara pa e ley aki pa bini na vigor siguiendo un proceso di conscientisacion.

Pa loke ta trata ehecucion di e ley aki, Ministerio di Desaroyo Teritorial, Infrastructura y Medio Ambiente a tuma e puntonan di preocupacion di e distribuidornan tambe den consideracion. Lo evalua e ehecucion di e ley, tumando na cuenta e crisis cu nos isla ta enfrentando. Motibo pa e evaluacion menciona ta cu a surgi un retraso den e proceso di reduccion di e materialnan cu ta cay bou di productonan dañino pa medio ambiente, manera stipula den e ley.

Ta conoci cu rond mundo ta haci esfuerso pa basta aña caba riba minimalisacion di e uzo di productonan di plastic di un solo uzo.

A prohibi entre otro supermercadonan pa duna saconan di plastic na momento di haci compras. Ta depende e cantidad di compras cu bo ta haci ta defini e cantidad di saco di plastic cual ta masha hopi saco ta wordo duna. Tur e saconan aki por si dado caso e no wordo tira afo na un manera responsabel e tin tur posiblidad di finalisa den nos naturalesa. Por mira nan pega den mata, Kadushi y tin biaha te hasta ta bula rond. Ora cu e saco di plastic aki finalisa riba dump e tempo ey por mira nan ta bula bay cay te den e lama cu tin rond di nos dump. Segun studio den e lama cu ta keda rond di nos dump na parkietenbos ta un cantidad sin limite tin den fondo di lama cu sigur den transcurso di siglonan pasa a keda acumula y causando un daño enorme na nos bida marino.

Santa Rosa tambe a haci cambio. Como Departamento responsabel, Santa Rosa tambe ta consciente di e daño cu e saco di plastic ta haci. Mesora a cuminsa busca solucion pa e saconan di plastic cu nos mes tabata usando. Di biaha a percura pa busca saconan reusable y biodegradable pa nos saconan di gordura, esunnan di fertilisante y simia. Saconan cu no ta causa daño na nos medio ambiente. Y si dado caso bo cumpra bo saco di gordura pa prome biaha cerca nos na Santa Rosa, y bo bin bek cune, bo ta haya e siguiente saco na un mihor prijs.