IMG_1100.JPG

 Mirando cu Departamento di impuesto ta hayando hopi pregunta di cliente, a dicidi di yama un conferencia di prensa pa duna aclaracion riba e winstbelasting specificamente pa e aña fiscal 2014. A puntra Sra. Romano dicon ta 11 di december ta sali bisa di e cambio di ley aki y trece informacion dilanti mirando cu tur hende sa cu ta yegando dianan di fiesta y comerciantenan kisas mester busca otro hende pa traha nan papelnan. Esaki ta pone presion riba comercio como cu ta pone e fecha final di 30 di december.

Segun sra. Romano e ley aki tabata den “pipeline” algun luna caba, pero departamento di impuesto no por ehecuta nada tanten cu e cambio di ley no wordo aproba den parlamento y ta te ora cu e aprobacion tuma luga cu e publicacion oficial tuma luga, e ora nan ta haya e encargo pa ehecuta e ley aki.  “E ley a pasa den parlamento den november e ora e trabou pa nos a cuminsa. Nos tambe ta core cu tempo pasobra e ley ta encera manera cu parlamento a aporbe, cu e ta conta entrante aña fiscal 2014 caba cual at pone presion riba nos y cliente pa haci tur e preparacionanan y percura pa e clientenan haya nan declaracion di acuerdo cu e cambio di ley. E ta un presion enorme aworaki net den fin di aña, esey ta berdad, pero laga nos pensa tambe cu nos ta na final di december, normalmente si no tabatin un cambio di ley mes, nos lo a saca e aangifte den mei/ juni e ora di acuerdo cu e ley bieu e cliente lo a haya dos luna pa e entrega su aangifte cual ta mas o menos final di juli of begin augustus.”

Aworaki ta papiando di 2014 y ta na final di 2015 kiermen e clientenan basicamente a haya henter e aña pa prepara nan cuenta anual caba cual ta un rekisito cu no a cambia. Solamente cu e no tabatin un declaracion of un deadline. Mientrastanto ta kere cu basta cliente lo tin nan papelnan prepara. December ta un luna basta kibra mirando e dianan di fiesta pero nos ta confia cu empresanan lo por ta basta leu cu nan documentonan.

Post
Otro problema ta cu no tur cliente a haya e aangifte den nan post. Ora a yama post ki dia lo entrega esaki, e contesta ta cu lo no haci esaki mas y cliente mes mester busca esaki na postkantoor.

LEAVE A REPLY

Please enter your comment!
Please enter your name here