Buskeda Yellow

Ministerio Publico ta anuncia cu lo saca un recompensa di 5000 florin ‘pa e tip di oro cu lo hiba na detencion di e sospechoso Milanchelo Trenidad (30) den e morto violento di e bouncer di Olde Molen riba 7 di december ultimo’.

“E homber Milanchelo Nelson Antonio Trenidad, conoci tambe bao su alias ‘Yellow’, ta naci riba 7 di mei 1985 na Bonaire y ta biba na Aruba.  E ta wordo sospecha di a los tironan dialuna mainta tempran na Olde Molen, caminda un bouncer a fayece y un otro a resulta gravemente herida. Si Bo ta dispone di informacion cu posiblemente por hiba na soluciona e caso aki, por favor tuma contacto cu Polis. Bo por yama señor C. Muller na Recherchebureau Shaba na Noord (tel. 563-5391). Eventualmente bo por yama tiplijn tambe na 11141 y duna bo informacion. Lo bo wordo yama back.”

Diahuebs polis a ricibi un tip cu Yellow lo tabata sconde den rooi na Weg Rooi Hundo. Durante basta rato a buska den e area di e rooi pero sin ningun resultado (potret).

LEAVE A REPLY

Please enter your comment!
Please enter your name here