18april, JM, Impuesto.JPG

Departamento di Impuesto ta informa cu dia 15 di april 2016 a inaugura su servicio oficialmente den edificio multifunctional ‘Orua’, conoci tambe como ‘Cas di Titi’ situa na Noord.

Na e momentonan aki ta duna servicio di caha, pues e clientenan – tanto personanan priva como comerciantenan – por haci pago di cualkier tipo di belasting y tambe pago pa permiso di DIMAS. Alabes por registra vehiculo di motor, haci cambio di nomber of entrega plachi number. Na momento di paga number di auto, e cliente por ricibi su sticker mesora tambe.

E clientenan cu tur luna ta haci pago via banco y tin cu entrega nan declaracion di por ehempel loonbelasting, BBO/BAZV, toeristenheffing etc., por haci esaki na Noord tambe.

Departamento di Impuesto ta yama tur cliente bon bini, specialmente e clientenan di Noord mes y vecindario.

E orario di servicio na Noord ta di 8:00 mainta te cu 3:00 atardi non-stop. Na momento cu un cliente yega e ta tuma un number y ta sigui pa piso 2 unda tin 2 balie.

Departamento di Impuesto ta spera asina di por cumpli cu su clientenan dunando mas y miho servicio.

 

LEAVE A REPLY

Please enter your comment!
Please enter your name here