Desaroyo riba caso curpa kima na Playa Pabao

Polis ta hayando varios yamada, whatsapp, etc. cu peticion pa ultimo desaroyo riba e caso di diaranson mainta na Luxemburgstraat di cua ta relaciona cu e curpa kima.

Na e momentonan aki polis tin un afspraak cu e team di investigacion cu asina e momento yega cu nan tin mas informacion riba e caso, polis lo duna informacion riba esaki.

Lastimamente na e oranan aki ainda e investigacion ta andando y polis no a haya nada di esunnan cu ta guia e investigacion.

Loke si nos kier corda publico ta cu e tiplijn di polis ta disponibel pa cualkier persona cu sa algo, a wak algo of a tende cualkier informacion cu por contribui na yuda resolve e caso lo mas lihe. E tiplijn di polis ta 11141.

E uzo di e tiplijn ta gratis y ta completamente sigur (safe). Bo identidad ta wordo proteha y esaki ta garantisa!