Destaho publico na caminda pa digitalisacion di Kadaster

“Prome cu fin di 2018 nos kier percura pa e ROPV tambe ta na vigor”, minister encarga cu infrastructura Otmar Oduber (POR) ta bisa den cuadro di regulacion di otorgacion di tereno. Mester repasa e ROP (Ruimtelijk Ontwikkelingsplan) cu tin na momentonan aki y esey ta hopi importante pa cana den un cadena cu Kadaster, cual segun e mandatario e departamento lo mester keda digitalisa pronto pa cos cuminsa cana mas exacto.

Gobierno ta awor den un destaho publico pa den e proximo simannan nos dilanti esaki por sali pa por trece henter Kadaster den kaartnan digital. Pa di e forma aki hunto cu DOW y DIP por bay delinea di berdad den e ROP. Pasobra e ROP a wordo traha cu penchi y liña cu midimento crusando den tereno di hende na mita y diferente cosnan. “Si nos por bay digitalisa, nos por bay haya sa mas exacto en berdad cua ta e terenonan cu por sigui traha cas, cua ta comercial, cua di berdad ta berde. Esey por nifica cu ta bin mas area proteha, of no”, segun minister Oduber. Pero den e manera aki bo lo por tin e defini cu e ora por bisa e voorschriften ta bini.

Tin hende cu a pidi tereno y ta riba lista for di aña 1992/1993 y 1988/1989. Na 2003 tabata tin un inscripcion nobo cu a tuma luga unda cu tur hende mester a bay reconfirma. Ora bo haci esaki bo ta reconfirma cu na tal aña bo a pidi un permiso pa tereno. E totalidad ey di tur hende cu a bolbe inscribi na 2003 y cu a bin acerca ta rond di 12.000 peticion. “Un di e prome pasonan mester conduci cu na prome cu e aña aki caba en todo caso nos mester haci henter e lista limpi prome cu aña 2000.” Kiermen segun e mandatario, tur e peticionnan haci te cu aña 2000 segun e maneho nobo, lo duna oportunidad na tur e hendenan aki cu a pidi y tin decadanan ta warda riba tereno.

Ley di LRO
E ley di LRO (Landsverordening Ruimtelijke Ontwikkeling) ta bisa bo cu e tin den dje condicionnan den dje di maneho cu ta describi den un ROP (Ruimtelijk Ontwikkelingsplan). Kiermen e maneho parti di e LRO cu ya ta existi. Loke hendenan ta referi na dje ora ta bisa cu ainda falta un parti pa por implement’e ta e parti di e voorschriften manera nos a yega di trece dilanti. No tin nada di haber cu e parti di verordening, den e caso aki e ROPV ta voorschriften cu bo tin cu pasa via ley. Esaki pues ta kico ta e consecuencia di e responsabilidad cu e co-ciudadano tin cu carga den caso di maneho di ROP.

E ROP ta delinea pa gobierno; bao ki condicion por duna un tereno, haltura y otro puntonan mara den ley cu gobierno mester cumpli cu esaki. “Ami no por duna un hende algo contra regla. Den caso mi dun’e contra regla, por ta e no ta su responsabilidad pa percura cu minister cumpli cu ne. E voorschrift ta pone cu eynan tur hende si ta haya responsabilidad”, minister Oduber ta splica. Cierto momento terenonan por ta yega un punto cu gobierno tin cu bay paga tereno eigendom den un area cu ta protegi/zona berde. Of por ta yega na grondruil cu nan y gobierno sa cu den tur dos caso nan ta admiti di tin e fondonan limita, y di otro banda tin limitacion tambe den tereno.

Minister di Infrastructura Otmar Oduber (POR)

Posibilidad pa pidi tereno
Ora bo haci un peticion na DIP pa tereno, bo ta haya un formulario unda bo ta pone entre otro e area cu bo ta desea, pero tambe bo por pone – si bo sa tin tereno habri di famia of otro – bo por mustr’e cu un ‘situatie tekening’ na cua ta e tereno cu bo ta desea di haya. E ta keda naturalmente na DIP/Pais Aruba pa duna bo e tereno aki of no, pero e posibilidad pa bo pidi un tereno specifico t’ey. Si e ta obtenibel, of si ta cla pa dun’e of otro hende tin derecho riba dje ta un otro cos. Pero pa locual ta peticion pa tereno, tur dos e posibilidadnan ta existi.

A wordo bisa na DIP aparentemente cu ainda gobierno no a pasa un ley pero segun minister Oduber: ‘no tin ningun ley pa pasa. E ley ta regla, ta un maneho e ta cu ta bisa kico e proceso ta pa bo hay’e y kico ta e condicionnan pa bo por construi un cas riba dje.’

 

 

 

 

You May Also Like

10Aug,JO, Ilegal1.jpg

Buskeda pa ilegalnan cu a drenta Aruba sin wordo detecta

Diamars marduga Polis maritimo riba tera patruyando hunto cu Kustwacht a tuma nota cu ...

SVGA: ‘Gobierno nobo lo mester ratifica tratado pa derechonan di hendenan cu limitacion’

Directora di Stichting Voor Verstandelijk Gehandicapten Aruba (SVGA), Els van Homelen,  ta bisa cu ...

Cantidad di embaraso hubenil ta birando menos

  Bon Dia Aruba a topa cu un articulo cu ta papia di embaraso ...

Arubus cu sindicato a firma acuerdo di paz na trabou

Ayera pa 10’or y mey di mainta hues pa medio di un caso sumario entabla ...

‘Anuncio recien di Citgo ta lamentabel y fuera di nos control’

Den cuadro cu e noticia recien di e slow down/paramento di Citgo, parlamentario di ...

5P3A1399.jpg

Atraco arma na Zhang’s Super Center

Diabierna pasa di 11’or di anochi un homber cara tapa a drenta na Zhang’s ...