Detonacion di un granat a laga 37 herido den un discoteca na Colombia

Polis ta traha riba un investigacion, y asina haya sa ken ta e hende responsabel di e suceso cu a tuma lugar na un disco na San Pedro, na departamento di “Valle del Cauca”, Colombia. Algun hende cu a keda afecta a papia tocante e momento di miedo cu nan a pasa aden.

Esey tabata un boroto direpente, nos a keda bon y hopi hende a sali herida. Basta hende tabata grita y pidi auxilio”, Mario Fernando Bravo, ciudadano cu a resulta herida, a splica.

Tur 37 persona cu a keda lesiona pa explosion di e granat a ser hiba pa hospital San José de Buga, caminda nan a haya atencion medico.

Dos pashent a ser opera y awor ta den recuperacion, dos mas di nan ta den unidad di cuido intensivo y nan estado ta stabiel. Dos pacient mas a ser hiba na otro hospital pasobra nan a registra un problema na nan ader, César Augusto Rodríguez, medico di hospital San José de Buga a informa.

Autoridad ta investiga e situacion na e discoteca. “Nos ta traha den proceso di entrevista pa asina haya sa testimonio di hende cu tabata eyden. E doño di e lugar a bisa cu nan no a haya ningun menasa ni extorsion” Alvaro Cardoso, coronel di polis di “Valle del Cauca” a splica.

Na e lugar a yega alcalde di San Pedro, gobernador di departamento y coronel di Polis pa asina reuni y consulta tocante topico di seguridad den municipio. Autoridadnan a dicidi ofrece un recompensa di 10 miyon peso pa e persona cu por duna informacion tocante autor di e suceso cu a tuma lugar diadomingo marduga na Valle del Cauca.

You May Also Like

Venezuelan-President-Nicolas-Maduro-AFP-800x430.jpg

Tribunal supremo di husticia na Venezuela ta pidi pa cera Nicolás Maduro

(prensa.com) – E tribunal supremo di husticia (TSJ) di Venezuela a manda pidi e ...

Lula da Silva condena na 9 aña y mey di prizon

Diarason hues Sergio Moro a condena ex-presidente Luiz Inácio Lula da Silva pa sinta condena di nuebe ...

Lenin Moreno, virtual ganador na Ecuador

Candidato oficial pa presidencia di Ecuador, Lenin Moreno a haya  51,16 % di voto, ...

Cuba a celebra 60 aña di revolucion cu e liderato di Fidel Castro

Santiago di Cuba, ‘cuna di e revolucion’, a celebra e 60 aña di e ...

Cuba: Lo bay reconoce propiedad priva pero ta mantene estado socialista

  (Infobae/LaOpinion) – Cuba lo bay reconoce e papel di mercado y propiedad priva ...

Venezuela: Juan Guaido cerca Jair Bolsonaro

Presidente di parlamento Venezolano, Juan Guaido, tambe reconoci como presidente interino di su pais pa ...