Diana Rigg, un actriz Britanico comandante, kende su carera a extende for di e serie di spion iconico den añanan 1960 ‘The Avengers’ te serie di fantasia ‘Game of Thrones’, a fayece. E tabatin 82 aña di edad.

Agente di Rigg, Simon Beresford, a bisa cu el a fayece diahuebs mainta na cas cu su famia. Su yiu muhe, Rachael Stirling a bisa cu el a fayece di cancer cu a wordo diagnostica na maart. Rigg ‘a pasa su ultimo lunanan felizmente reflexionando riba su bida extraordinario, yen di amor, harimento y un orguyo profundo di su profesion. Mi lo haya su falta mas cu loke por bisa’, segun Stirling.

Rigg a actua den ‘The Avengers’ como agente secreto Emma Peel hunto cu Patrick Macnee su personahe John Steed. E par tabata un duo impecablemente bisti kende a bringa contra villano y a intercambia palabra den un show cu su mix di aventura y humor tabatin influencia duradero.

Rigg tambe a actua den e thriller di James Bond na 1969, ‘On Her Majesty’s Secret Service’ como Tracy di Vicenzo, e unico muhe cu a casa, maske brevemente, cu Agente 007. Productornan di Bond, Michael G Wilson y Barbara Broccoli a bisa cu Rigg ‘tabata hopi stima pa fanaticonan di Bond pa su prestacion memorabel’.

George Lazenby, kende a haci su unico apariencia como Bond den e pelicula, a bisa riba Instagram cu e tabata ‘asina tristo di haya sa di morto di Diana Rigg. Sin duda el a eleva mi actuacion na momento cu nos a haci On Her Majesty’s Secret Service hunto na 1968-69’.

Na un etapa despues den su bida el a interpreta Olenna Tyrell – e formidabel ‘Queen of Thorns’ – den ‘Game of Thrones’ recibiendo un nominacion pa premio Emmy pa e rol.

E nunca a retira. Un di su ultimo rol di television tabata den e drama veterinario rural, ‘All Creatures Great and Small’, cual actualmente ta transmiti riba television Britanico.

Rigg ta laga atras su yiu muhe, yerno Guy Garvey – cantante di e banda Elbow – y un nieto.

LEAVE A REPLY

Please enter your comment!
Please enter your name here