Otro siman diaranson 8 di maart 2023 mundo completo ta celebra e Dia Internacional di Hende Muhe. Un dia special y completamente dedica na tur e sernan femenino y cu ta alsa e generacionnan di pasado, presente y futuro.
Den 2022 UNESCO a uni cu e Nacionnan Unu pa celebra e dia special aki cu e lema “Igualdad di genero awe pa un mañan sostenibel”, reconociendo e contribucion di muhenan y muchanan di henter mundo cu ta liderando e carga den e adaptacion, mitigacion y respuesta na e cambio climatico, pa construi un futuro mas sostenibel.
E prome dia Dia Internacional di Hende Muhe a wordo celebra na Merca dia 28 di februari 1909, ora cu a convoxq e protesta di e trahadonan di industria di textil y muhenan di e Partido Socialista di Merca cu a protesta contra e condicionnan di trabou na New York na 1908.
Na 1917 e muhenan na Rusia a protesta y lucha pa “Pan y Paz” riba e ultimo diadomingo di maart, cu a cay riba un 8 di maart den e calendar gregoriano, hibando asina na e adopcion di e voto femenino na Rusia.
Audrey Azoulay, directora general dI UNESCO, a indica cu e aña aki e Dia Internacional di Hende Muhe ta dedica na aplaudi e generacion nobo di muhenan jong pa e balentia cu nan ta mustra ora na papia, sirbi di inspiracion pa demas hende muhe y cu ta mobilisa cu vision pa un futuro mas sostenibel.
