Awe Diaranson di Shinishi pa cuminsa e temporada di Cuaresma pa Iglesia Catolico.
Monseñor Secco a dirigi un carta na tur sacerdote di e Diocesis di Willemstad tocante e temporada aki, y alabes recorda nan cu e situacion actual di Covid-19 ta afecta nan celebracion liturgico y alabes e participacion di e fielnan Catolico.
E situacion di e pandemia ta haci cu e celebracion di Diaranson di Shinishi lo keda celebra cu algun adaptacion. Ta asina cu tumando na cuenta entre nan e decretonan ya emiti pa cu e medidanan den nan celebracion liturgico, Monseñor Secco a decreta cu e celebracion liturgico pa Diaranson di Shinishi ta sigui manera custumber, teniendo na cuenta e siguiente puntonan:
1. Fielnan lo ricibi shinishi riba frenta segun nan custumbernan den nan Diocesis.
2. Sacerdote celebrante ta menciona un biaha so, na principio, e formula do palabra prome cu partimento do shinishi.
3. E persona cu ta bin ricibi shinishi ta usa tapaboca sin contesta nada.
4. Pastoor tambe ta usa su tapaboca
5. Despues di parti shinishi, sacerdote ta laba man cu awa y habon.
Monseñor Secco a manda un palabra di animo na tur sacerdote pa sigui conscientisa e fielnan riba importancia di e temporada di Cuaresma pa beneficio spiritual di un y tur. Y como preparacion pa celebra Pasco di Resureccion.
