Pa loke ta e fecha 1 di maart cu minister Otmar Oduber a pone, a puntre kico ta pasa den caso cu e no ta mira e resultadonan cu e kier pa e tempo ey y si e lo duna mas tempo. El a bisa cu tempo ta algo cu ora bo duna di mas bo ta ba arepenti di dje. Un trabou hopi fuerte a wordo haci y mi a bisa na hopi ocasion cu tur cartera ta di pais Aruba y hunto mester por para pa interes general. Turismo ta nos “bread and butter” e ta loke cu nos ta biba di dje pues e ta encera cu tur minister mester por traha hunto.
El a sigui bisa cu esaki ta un mensahe pa tur politico realisa. Pasobra hopi biaha ta uza e oportunidad porta pa wak con ta step up riba e politico lubidando cu ta step up riba e pueblo tambe, mi ta kere cu mi posicion ta un mensahe di e trabou duro cu a haci. No ta trabou di Otmar so sino di henter un ekipo, oficina di turismo, desaroyo di hotelnan y e gabinete den totalidad cu a yuda. Pa 6 aña a sobrevivi un refineria cera sin tin un desminucion den economia, creciendo tur aña danki na turismo. Un economia cresciente cu a produci, inversionnan cu a tuma luga, construccionman cu a tuma luga den e pais aki y pesey mi ta kere cu cu na cierto momento diferencianan personal mester wordo laga un banda y logra atrobe interes general di comunidad y esey ta loke mi ta spera cu logra despues di e combersacion ci gobernador.
