Dimas ta indica: 400 pa 1000 mucha indocumenta bayendo scol

Dimas ta calcula te awor cu tin entre 400 pa 1000 mucha den enseñansa di kleuter, basis y secundario. Sinembargo nan ta haciendo un investigacion hunto cu otro departamentonan di gobierno y directivanan di scol pa saca afo cuanto e cifra exacto lo ta.

E prome resultadonan lo drenta probablemente fin di mei. Muchanan sin permiso of den proceso pa haya un permiso, por atende scol como cu na Aruba ta exigi leerplicht. Locual si tin como exigencia di e directivanan di scol ta cu nan ta pidi cu e mucha tin un seguro. Como cu nan no ta cay bou AZV pasobra basicamente ta kedando ilegal riba nos isla, e mayornan mester percura pa un seguro particular.

Segun Dimas awor ta investigando e cantidad di e muchanan indocumenta. Pero e directora Kathy Paskel ya ta indica cu di e 21.000 mucha den e ciclo di kleuter, basis y secundario, 400 pa 1000 mucha no tin nan papel pa keda legalmente na Aruba. Manera indica e directivanan di scol ta exigi un seguro sinembargo tin un tension den casonan ora mayornan no ta cumpli den contexto di e ley di leerplicht. Como cu e ley aki, basa riba e derechonan di mucha, cual tradado internacional Aruba tambe a firma, ta bisa cu tur mucha tin derecho riba enseñansa.

Mayornan  cu kier bin biba cu nan yui na Aruba mester tuma iniciativa pa haya informacion necesario tocante permiso pa mucha. Pero manera e otro articulo riba e pagina aki ta mustra, tin basta casonan na Aruba unda e mayornan no ta regla tur cos bon pa nan muchanan. Dimas sinembargo ta haya cu e responsabilidad ta keda den man di e mayornan di e muchanan stranhero.

Bon Dia Aruba tambe a acerca e directiva di SKOA. E fundacion aki ta representa mayoria di e scolnan na Aruba. A base di e entrevista cu director Josette Daal nos ta compronde cu hopi biaha e proceso ta cuminsa na scol basico, unda mayornan ta bin inscribi un mucha na scol. SKOA tin un maneho unda ta bisa cu un mucha indocumenta por drenta scol si e mayornan tin permiso di estadia.

Sra. Daal ta bisa cu nan semper ta urgi mayornan pa cuminsa cu e proceso di permiso pa asina no tin consecuencia pa e mucha ora yega na final di su carera na scol.  Pasobra momento cu e ta yega edad di 18 aña e problema ta bira mas grandi pa mucha, cu mayoria biaha tampoco por cay bek riba e pais di origen. Asina e mucha ta keda indocumenta cu consecuencia grandi pa entre otro sigui su futuro y haya trabou of bay studia.

Pero e directiva di scol aki tambe ta haya cu ta na prome luga e responsabilidad di e mayornan pa informa nan yiunan bon y/of regla nan documentonan pa e muchanan por keda legal na Aruba.

You May Also Like

Pesten.jpg

CBS hunto cu Telefon pa Hubentud a midi comportacion di termento

ORANJESTAD  – Telefon pa Hubentud ta analisa na final di cada aña cua ta ...

Dependencia di Corsou riba control di trafico aereo ta un percepcion robes

Segun director di ANSA (Air Navigation Services Aruba), Nilknarf Kock, e inauguracion di un ...

5P3A9127.JPG

8 dama ilegal deteni na Dennis Bar Hooiberg

Diahuebs anochi Guarda nos Costa a bishita Dennis Bar situa na Hooiberg como sorpresa ...

proteccion social.jpg

Cantidad di trahado cu a prolonga nan permiso no tabatin proteccion social

E situacion di trahadonan sin proteccion social trahando pa un dunado di trabou, a ...

AVP ta presenta programa di partido Padilanti

Ayera nochi tabata presentacion di e programa di partido AVP na Renaissance Convention Center. ...

Tin dos miyon florin presupuesta pa crisis

Den cuadro di refugiadonan di Venezuela Den nos presupuesto di 2018 tin un suma ...