Directora di biblioteca: “Laga nos bisa awe fiesta di buki ta cuminsa”

apertura festival buki mucha Br (7).jpg

Diabierna Biblioteca Nacional Aruba (BNA) a celebra e apertura di nan 24 version di Festival di Buki pa Mucha 2016. E ta henter un siman cu biblioteca hunto cu un grupo di autor ta dedica specialmente pa promove y stipula e bon custumber di lesamento cerca nos muchanan di scol.

 

Den combersacion cu Bon Dia Aruba, directora di BNA, Astrid Britten ta expresa su satisfaccion hopi grandi cu e acontecimento aki. “Laga nos bisa awe fiesta di buki ta cuminsa.”

 

Participacion

Ta asina cu for di awe te cu diabierna 4 di november 18 autor ta bay bishita na tur scolnan pa conta riba nan bukinan y material sea como ilustrado, autor of contado di cuenta. “Asina ta cu tur hende ta bay haya algo”, segun Sra. Britten.

Tur autor ta na Aruba caba y mayoria di nan a yega diahuebs atardi y otro a yega diabierna mainta. Esun cu a yega te diasabra tabata Roland Escolastica kende tabata na Colombia ricibiendo un reconocimento pa su trabou den cuadro di Feria di e Buki cu e aña aki a wordo dedica na Reino Hulandes.

 

El a recorda cu e aña aki nan ta celebrando e di 24 edicion di e Festival di Buki pa Mucha bou e tema: Opa y Oma Conta mi y Inspira mi”. Aña pa aña e festival aki a bin hayando un gran acogida y te hasta a bira chikito pa realisa e actividad aki paden pa motibo di e cantidad di bishitantenan no solamente muchanan sino adultonan. Tabatin e participacion di e book store nan mas importante den e mercado di buki, caminda nan ofrece bukinan infantil na prijs special.

 

Opa y oma

Sra. Britten a bisa cu como biblioteca nan ta contento pasobra e tema tambe ta inspira pa tin tur sordo di hende di tur edad. Pa loke ta e parti di contenido Scol Prinses Amalia ta encarga pa trece esaki pa dilanti cu un bunita show patras di biblioteca mes, unda cada bes nan a trece e imagen di opa y oma padilanti. Biblioteca ta contento cu e tema di e aña aki a wordo presenta debidamente y cu tambe el a wordo bon acepta.

 

“Hopi biaha nan ta esun cu ta wak pa e muchanan di awendia tambe ya cu e rol a cambia un poco.” Sra. Britten a agrega cu tanto opa como oma ta hunga un rol hopi importante den bida di e muchanan.

Tambe directora di biblioteca a destaca e presencia y envolvimento di diferente scol, ya cu e programa aki tabatin un efecto di bal di sneeuw. Diferente scol a participa y e muchanan a bin bisti al estilo opa y oma. E cifra –segun Sra. Britten- ta papia pa su mes pasobra nan tin un participacion di alrededor di 60 scol e aña aki. Nan ta scolnan basico, preparatorio y special.

Te hasta e grandinan di Kibrahacha a haci un programa rond di e tema aki pa stimula lesamento entre nan mes. “Lesamento ta pa tur hende, no tin edad.”

 

Na final el a declara cu cada aña cu nan ta realisa e festival aki nan ta confronta desafionan nobo specialmente otro aña cu biblioteca lo celebra 25 aña di Festival di Buki pa Mucha. Ta asina cu manera nan ta clausura e festival aki diabierna awor, BNA lo cuminsa pa traha cu e aniversario di “plata” di e festival aki. E clausura di e Festival di Buki pa Mucha 2016 lo tuma luga patras di biblioteca nacional na Playa, diabierna awor.

You May Also Like

Jonathan van der Linden, specialista di mantencion di N.V. ELMAR.JPG

Fayo den kabel di señal a causa interupcion di coriente

 Tabata dialuna dia 20 di juni ultimo pa 10:50pm cu N.V. ELMAR a ricibi ...

17 dec DT Duane accion (13).JPG

Sindicato di aduana protestando contra proceso organisacion  

Ayera miembronan di Sindicato di Aduana Aruba (SADA) a dicidi di bay cerca Minister ...

DOW: Posiblemente no lo bin cu matanan di fruta na Green Corridor

Durante un conferencia di prensa Swinda Dijkhoff, lider di proyecto na Departamento di Obra ...

images.jpg

Historia di Dande na Aruba

Historia di dande E historia di dande a wordo conta den diferente manera, pero ...

editorial

No tin claridad riba medidanan adicional

Suma di reparacion ta bay pa empresario paga? Nos ta den luna di november ...

15scriptie (NW).jpg

VanEps Kunneman VanDoorne otorga scriptie prijs na Aruba

Diahuebs 7 di september a otorga e VanEps Kunneman VanDoorne scriptie prijs na Aruba. ...