Fondo di Pension: ‘E fondo ta hopi solido’

Directora di e Fondo di Pension di Sector Turismo di Aruba (PFTSA), Sanaa Baroud a declara cu nan fondo ta hopi solido y stabiel.

Nan a cera aña 2016 cu 83 miyon, y ora cu nan ta compara e cifra aki cu e aña anterior nan a crece for di 63 miyon pa 83 miyon na aña 2016, kiermen nan  a produci 20 miyon extra.  Nan a crece y actualmente nan miembronan ta alrededor di mas cu 8 mil.

E ta reconoce cu awendia ta dificil pa bo mantene cifra positivo asina pasobra e inversionnan pa  bo por haya un bon resultado no ta facil pa bo haya. “Bo mester tuma cierto risiconan pa bo haya un interes mas halto”. Asina mes e ta wak cu PFTSA ta logrando di mantene e nivel di crecemento di nan fondo.

Dia 23 di juni durante nan asamblea general  cu lo tuma luga pa 3or atardi na La Cabana Beach Resort nan lo presenta  nan hunta directiva ya cu nan tin miembronan nobo. Igualmente nan lo presenta  nan cifranan di forma transparente pa asina nan miembronan  por formula nan pregunta y mantene.

El a bisa cu nan sistema di administracion ta uno  hopi simpel; y e ta transparente. Tambe nan miembro via online tin acceso pa wak kico nan dunado di trabou a contribui  pa nan  y nan sistema administrativo di pension ta up date. E mesun dia di e asamblea general lo introduci un aplicacion (app) nobo caminda via bo telefon e miembro tin acceso na tur su informacion personal.

Intencion tras di esaki ta pa mantene e confiansa di nan miembronan cu nan fondo ta wordo maneha di forma responsabel y transparente, segun e fondo.

You May Also Like

5P3A3080.JPG

DOW a logra di haci varios caminda limpi unda cu santo tabata un obstaculo

Despues di e awacero torencial diadomingo varios caminda a keda cu santo y piedra ...

Cinco funcionario nobo pa supervision di medio ambiente

Ministro Otmar Oduber (POR) a haci entrega di ley pa cuater funcionario publico di ...

zika.jpg

Protocol nobo pa combati Zika

ORANJESTAD – Minister di Salud Publico Alex Schwengle a anuncia awe mainta cu lo ...

14mrt, NP, Earth hour (1).jpg

Ta pidi pa tur scol participa na “Ora di e Planeta”

Diabierna durante di conferencia di Prensa e grupo di Earth Hour a anuncia nan ...

(IVA): Departamento nobo di Gobierno introduci

E departamento nobo di gobierno, esta Inspectie Volksgezondheid Aruba a drenta den funcion oficialmente. ...

Taskforce a wordo instala pa reenforsa Beach Policy

Ayera a tuma luga e reunion di Beach Policy unda cuater minister a traha ...