Puntonan principal for di rapport IMF

IMF a saca su rapport definitivo riba e situacion economico financiero di Aruba. Riba e pagina aki nos ta pone e puntonan principal.

  • Aruba su entrada pa capita ta na alrededor di USD 24.1 mil, cu ta un di esunnan mas halto den Caribe.
  • E regimen di cambio fiho relaciona cu US dollar (sin cambio na 1.79 florin pa dollar desde 1986), apoya pa un politica conservador fiscal, di credito, y prudente a yuda tene cos den balansa te laat den añanan 2000. Tres recesion desde e Crisis Global Financiero y e contesta di gobierno riba nan a conduci na un crecemento rapido di debe publico.
  • Economia a drenta den recesion na mita di 2015. GDP real a contrae cu 0,5 y 0,2 porciento na 2015 y 2016, respectivamente.
  • Demanda domestico a contrae cu 3,0 porciento.
  • Exportacion a crece solamente cu 0,3 porciento debi na turismo debil y exportacion no turistico disminuyendo.
  • Importacion a disminui cu 3,5 porciento, reflehando e demanda debil, basa riba consolidacion fiscal y crecemento turistico debil.
  • Inflacion ta keda abao. Economia tabata den deflacion durante 2016 consistente cu e demanda domestico debil, pero tambe debi na prijs di energia abao. Inflacion  tambe tabata abao durante 2012-2015.
  • Consolidacion fiscal a continua. E deficit completo di 1,6 porciento di GDP na 2015 y 2016, tabata un fraccion di su nivel na 2014. E balansa primario tabata na su segundo aña consecutivo di surplus na 2016. E mehoracion tabata e resultado di politica structural y incidental.
  • Debe publico ta keda halto. Deficitnan eleva di gobierno di 2010-2014 causa principalmente pa un ‘double-dip recession’ y contesta di politica di gobierno riba esaki a resulta den un debe publico yegando na  alrededor di 85 porciento di GDP na 2016.
  • Obligacionnan grandi di pago di interes riba debe alrededor di 4½ porciento di GDP na 2016 ta ‘crowd out’ gasto publico esencial, y e nivel halto di debe ta limita e espacio fiscal pa politica contra ciclico.
  • Reservanan internacional a aumenta. Reserva bruto a surpasa 4½ porciento di GDP, loke ta mas o menos 5¾ luna di importacion y 40 porciento di ‘broad money’.
  • Aruba tin net di siguridad social amplio. Esakinan ta inclui cuido medico universal, pension, beneficio di desempleo, subsidio di transporte, y cash transfer pa famia di entrada abao y mama soltera. E presupuesto 2017  ta inclui 1.2 porciento di GDP na transfer pa cuido medico general y 1.3 porciento di GDP na cash transfer y varios programa social.

 

Evaluacion

  • Aruba su crecemento economico ta debil pero ta anticipa cu lo recupera gradualmente. Un retraso temporal den actividad turistico y consolidacion fiscal a conduci na actividad economico debil desde mita di 2015. Ta anticipa cu economia por recupera gradualmente, parcialmente danki na inversion relaciona cu e refineria y inversionnan PPP continuando.
  • Retraso den inversionnan relaciona cu refineria ta keda un riesgo notabel a corto plaso.
  • Un crisis cu ta profundisando na Venezuela tambe ta representa un riesgo pa turismo di Aruba.
  • A mediano plaso, un parti mas grandi di turista di Merca cu por bay Cuba por tin implicacion negativo pa Aruba.
  • E metanan fiscal di autoridadnan ta apropia. Basa riba ley actual, e saldo fiscal general mester mehora y keda positivo riba mediano plaso. Si e metanan aki ser logra, por pone debe publico riba un caminda di disminui.
  • Sin embargo, metanan fiscal di autoridadnan lo rekeri probablemente medida fiscal adicional. E tamaño di e medida fiscal lo depende di e forsa di e crecemento di GDP, loke ta keda insigur.
  • Directiva ta recomenda medida fiscal adicional pa yuda logra e metanan di autoridadnan. Conseho di den pasado di IMF a identifica algun medida asina.  Esakinan ta inclui esfuerso pa entrada adicional den forma di cobransa mas grandi di impuesto indirecto.
  • Encuanto gasto, un prioridad ta pa reduci gastonan relaciona cu salario mirando e tamaño grandi di e gasto total di salario.
  • Medida adicional pa sigura cu e sistema di cuido di salud ta bira auto financia tabata mester considera.
  • Aruba su crecemento potencial mester di boost traves di reforma structural. Un reforma di mercado laboral integral y desaroyo di politica di inmigracion basa riba capacidad duradero ta necesario pa hisa participacion y productividad di forsa laboral.
  • Mester mehora facilidad pa haci negoshi.
  • Sector turistico por ser diversifica mas traves di politica cu ta atrae turista di un grupo mas amplio di pais, incluyendo Latino America.
  • E reapertura di e refineria cu ta anticipa ta un paso importante den direccion di diversificacion economico, y e politica di autoridadnan pa cu desaroyo di e sector di energia renovable y fuente alternativo di crecemento, manera un economia basa riba conocemento, ta prometedor.

 

You May Also Like

prome (2).JPG

Confusion y disgusto durante prome dia di solicitud na Citgo Desk

Manera a wordo informa cu dia 10 di october lo cuminsa tuma solicitud na ...

WHO: 2016 tabata un aña turbulente

E organisacion mundial di salud, WHO, a saca un resumen di tur problemanan di ...

5P3A7299.JPG

Durante control Polis a detene dos persona na Playa

Diasabra anochi patrua di Oranjestad encarga cu controlnan riba caya a para un lancer ...

Falta di iluminacion riba drempelnan

  Na diferente area na Aruba tin un falta di iluminacion riba e drempelnan ...

Contra conseho DIP y DOW: 7 tereno den saliña na Malmokweg otorga

7 tereno den saliña cu ta area proteha (wetlands) y asina destina den ley ...

plantacion (2).....jpg

Polis ta clarifica riba plantacion di marihuana

– Cuerpo Policial a tuma nota cu a lanta un ‘polemica’ relaciona cu e ...