Den caso di sospecho di malesanan contagioso un dokter di cas mester meld esaki na Departamento di Salud (DVG) pa asina e departamento aki por analisa e datonan y tuma accion pa por ehempel preveni plamamento. Sinembargo e cadena aki no tabata funcionando bon. Pa motibo di esey a haci cierto cambionan.

Den combersacion cu minister di salud Alex Schwengle riba virusnan manera Chikungunya, Dengue y Zika, a toca riba e parti di con pa reconoce y trata esakinan apropiadamente. Miembro di Management Team di Salubridad Publico, Wilmer Salazar a bay un tiki mas profundo tambe cu nos riba e diferencianan chikito pa tene cuenta cu ne. E momento di e combersacion aki, Bon Dia Aruba no tabatin e informacion pa confronta e personanan aki riba e punto cu e cadena di alerta etc. no tabata funcionando bon. Nos lo purba di haya nan comentario ainda.

Aki bou nos ta publica e consehonan di ambos tocante e malesanan contagioso cu¬†sangura ta plama riba nos isla.¬†‚ÄėNo por djis bisa ta griep‚Äô¬†E problema hopi biaha ta cu e malesanan Chikungunya, Dengue y Zika tin¬†sintomanan cu hopi biaha ta ‘overlap’. Hasta un griep por causa cu bo por haya un¬†kentura, rash , dolor di weso y lomba. Un virus manera dengue tambe por trece e¬†mesun tipo di sintomanan aki. Segun minister Schwengle e diferencia ta cu virusnan¬†aki ta algo cu t‚Äôey den nos sociedad pues no por ignora. E ta splica: “Pues mester ta¬†alerta como dokter cu si tin duda cu toch por ta un di e malesanan ey, nan mester¬†meld esaki na DVG pa test wordo haci. Y no djis bisa bo cu ta griep. E ta depende di¬†e sintomanan como tambe experiencia di dokter di cas.”¬†E ta agrega cu si dokter di cas of specialista no tin hopi experiencia cu e malesanan¬†aki, e por imagina cu e dokter ta conclui cu e ta djis un griep.¬†“Dios gracia mayoria di bes esaki ta malesanan cu ta cura di nan mes.”

Rash sin kentura of dolor
Sr. Salazar ta splica nos cu: “Tin biaha ta asina cu e persona ta solamente haya un¬†rash, sin kentura y sin ningun dolor. P’esey ta importante pa acudi na bo dokter¬†mesora y haci un diagnostico clinico.” E sa pasa cu den un famia por ehempel un¬†persona por haya un kentura, calafriu, sacamento, dolor di musculo mientras cu un¬†otro miembro di famia ta solamente haya un solo sintoma.

Malesanan
Dengue – un malesa transmiti door di un sangura – e sintoma en general ta cuminsa¬†cu kentura halto, calafriu, dolor di musculo, dolor patras di wowo, y dolor den bo¬†lomba/schouder. E persona ta haya kentura pa dos of tres dia. Esaki ta sigui pa un¬†rash cu ta cuminsa den e pecho y plama den henter e curpa. Despues di cinco dia por¬†bin complicacion cual ta parti di sangramento. Sr. Salazar: “Sangramento cu ta causa¬†mancha cora den cuero (petechiae) cual por bi√Īa. Cerca hende muhe esaki ta causa¬†cu den ciclo menstrual esaki ta bira mas profuso. Hasta ora di skeiro djente e¬†sangramento aki por bira mas hopi cual mester atencion hopi lihe di dokter. Tambe¬†tin e shock na unda e presion arterial ta baha asina drastico cu si e no ta ser trata na¬†tempo e persona por muri.‚ÄĚ

Zika tambe ta transmiti door di e mesun sangura cu dengue (Aedes Aegypti). E ta un¬†malesa cu ta causa casi mesun sintoma cu e dengue pero segun Dr. Salazar e ta¬†mucho mas leve. E persona por of no haya kentura na principio, y ta haya rash na¬†henter su curpa. “Esaki hopi biaha nan por confundi cu un alergia of reaccion di¬†remedi pa motibo cu e persona tin masha poco sintoma.” Chikungunya ta mescos cu¬†Zika, pero un tiki mas duro segun e dokter. E ta cuminsa cu e mesun sintomanan¬†anto loke ta hala mas atencion ta e dolor di wesonan.

Bon Dia Aruba kier a√Īadi si cu Zika pa hende muhe na estado ta hopi mas grave¬†como cu e baby ta core un riesgo grandi di nace cu un deficiencia celebral¬†(microcefalie). Nan por nace cu un celebro mas chikito y asina keda hopi atras den¬†nan desaroyo.

Diagnostico diferencial
E persona cu ta sospecha di tin un di e virusnan menciona mester ta atento y haci un¬†diagnostico diferencial segun sr. Salazar. Pasobra nos tin na Aruba e sangura cu ta¬†causa e malesanan aki. Si e dokter ta sospecha cu ta un di e malesanan aki, mesora ta¬†meld na departamento di malesanan contagioso cu mesora mester notifica e¬†departamento di control di vector. E departamento aki despues ta bay cas anto¬†inspecta, busca criadero anto haci tur tipo di control necesario. “Dokter ta haci tur¬†investigacion necesario: investigacion diagnostico, di laboratorio y¬†epidemiologico.”

Cadena di meld
Sinembargo Bon Dia Aruba sa di un investigacion oficial haci bou di dokternan di cas cu e proceso aki di meld di biaha no ta canando bon. Cu tin problema cu e cadena di alerta aki y tambe cu tin problema grandi den departamento di salud mes pa analisa e datonan aki. Asina Aruba no tin su sistema pa malesanan contagioso na ordo pa den un forma adecua por preveni e plamamento di malesanan y hasta epidemia. Manera e articulo publica ariba e pagina aki ta mustra tambe. Pa cu e sistema di meld a trece cambionan. Pero e analisis di data ta keda atrasa.

Tratamento
E tratamento pa tur e tres virusnan cual ta Chikungunya, Dengue & Zika, segun sr.¬†Salazar ta pa sosega na cas y percura pa tuma suficiente likido. No tuma aspirin di¬†ningun tipo, por tuma Paracetamol cual ta un anti inflamatorio y por dal un ba√Īo sin¬†ningun tipo di problema si tin kentura. Por tuma antistaminico cual ta yuda cu e parti¬†di grawatamento. “E ta un malesa auto limita. Esey kemen cu entre 5 pa 10 dia e¬†persona por sinti bon bek.” sr. Salazar ta conclui cu p’esey ta hopi importante pa¬†comunidad henter prepara di antemano pa evita tene criadero potencial di e tipo di¬†sangura aki pa esaki no bira un problema grandi riba nos isla.