Ayera Didi Gregorius a pusha careda y asina a yuda Hulanda gana Israel 12-2. Asina aki a duna Israel nan prome perdida den Clasico Mundial di Baseball.
Den inning tres Gregorius a dobel e careda ora cu Hulanda a anota cuater careda pa bay ariba 6-0. E batiado designa a dal un home run di tres careda den inning cuater y pa haci e wega 10-0. Wladimir Balentien, kende ta hunga na Hapon, tambe tabata tin un anochi grandi riba e plato, unda cu e tambe a pusha tres careda.
Israel a duna hopi sorpresa ora cu nan a gana e prome cuater weganan di e torneo, pero a wordo domina pa Hulanda, team cu a perde diadomingo 8-6 contra Hapon. Tanto Hulanda como Israel tin e score di 1-1 den Pool E. E dos team top lo avansa pa hunga e rond di campeon na Los Angeles dia 20 – 22 di maart proximo.
