Ainda no tin permiso pa opera e hotel pero a sali cla cu e Ocean Z hotel ya a cuminsa cu promocion y bookings desde varios luna caba.
E doño Eva Zissu y su abogado Joselin Croes a tene un conferencia di prensa diabierna. E propietario ta bisa di a scohe pa cuminsa pone nomber y haci promocion di e boutique hotel como cu el a kere cu e proceso di haya permiso lo a bay facil. E no a pensa nunca cu lo a bin tanto problema pasobra segun e, den e bario tin mas doño di cas cu ta opera manera hotel sin cu nan tin permiso.
Bon Dia a descubri cu tin diferente website online manera Tripadvisor, Bookings.com, Facebook, Twitter y Aruba.com unda Ocean Z ta haciendo promocion ya for di juli 2015. Tambe a resulta cu hende por haci reservacionnan di camber. Aworaki sinembargo mayoria di e sites aki a worod blokia of cera. Sra. Zissu a bisa cu nunca ningun hende a paga pa keda den su luga. Sinembargo e tambe ta admiti na Bon Dia cu hende a haci reservacionnan pero el a acomoda nan den un otro hotel pa motibo cu su permiso no tabata cla ainda.
Lesa mas den e edicion di Bon Dia Aruba di 16 di januari.
.JPG "Situacion na Malmok preserva por lo pronto")
