20aug Atraco.jpg

Diabierna pa mas o menos 8:45 anochi Central di Polis ta dirigi patruya di Oranjestad pa Lucky Lotto Corner riba e caminda na Ponton, caminda un atraco a tuma luga.

Na yegada di e patruya a topa cu e bendedora na yoramento y den trauma a notifica autoridad cu dos homber color scur bisti na preto y pechi preto cu arma di candela den man a atrac’e. E hombernan tabata papia Spaño y a bay cu por lo menos 1700 florin benta di dia. E atracadonan a bandona e sitio na pia direccion nort. Ambulance a keda solicita pa atende cu e dama cu tabata basta malo, y personal di atraco team y slachtofferhulp a yega na e sitio pa busca informacion. Ta pidi cualkier persona cu por a mira algo yama e tiplijn di Polis 11141 bo ta keda anonimo.