(NLTimes) – Dos homber deteni como sospechoso conecta na un caso di atake fatal na Mallorca, Spaña, no mester keda cera mientras ta warda nan huicio, segun veredicto di un corte na Lelystad ayera.

E dos homber, Daan van S. di 18 aña y Kaan B. di 19 a sali liber bao cierto condicion. Ministerio Publico (OM) no a opone e suspension di e detencion pre-huicio, bisando cu no ta sospecha nan di ta involucra den e morto violento di Carlo Heuvelman.

Abogadonan pa e tres otro sospechoso tambe a solicita pa suspende of elimina e detencion pre-huicio, pero e corte a rechasa e solicitudnan aki. OM a acusa Sanil B. (19), Mees T. (18) y Hein B. (18) di ta involucra den e atake mortal contra e Heuvelman di 27 aña di edad. Ademas, OM ta sospecha e trio di intento di asesinato door di scop y dal un di amigonan di Heuvelman na momento cu e victima ya tabata riba suelo. Imagennan di esaki a keda comparti riba e website Hulandes, GeenStijl.

OM ta sospecha Daan van S. y Kaan B. di varios crimen, incluyendo intento di asesinato regardando e prome incidente na un café riba e boulevard di e resort El Arenal na Spaña. Esey tabata prome cu e atake fatal di Carlo Heuvelman. Na café De Zaak, nan y otro tres hoben for di Hilversum supuestamente a dal y scop otro victima pa 1:45am, mientras e victima ya tabata riba suelo. Otro victima a sufri un nanishi kibra den e incidente aki.

Van S. y Kaan B. ta bay keda den libertad awe tardi. Ta prohibi nan di tuma contacto cu e otro acusado- y victimanan involucra den e caso. Corte tambe a prohibi nan di usa droga of alcohol. Ta bay monitor esaki via test di orina. E par tambe mester responde na solicitudnan di OM of polis.

Segun e corte, e evidencia contra e otro tres actualmente ta suficientemente fuerte pa hustifica prolonga nan detencion. Nan ta nenga cu nan tabata involucra den e violencia mortal contra Heuvelman, pero segun corte, den e declaracionnan di testigonan tabatin varios elemento contradiciendo nan.

Den e caso di Sanil B. tambe tabatin evidencia di DNA. Evidencia cu ta match DNA di Heuvelman a ser haya riba un sapato di B.

Corte tambe kier un perfil psicologico di Hein B. y Sanil B.
Mees T. ya a papia cu un psicologo.

E proximo audiencia ta programa pa dia 21 di januari. Esaki ta bay ta un audiencia prome cu huicio durante cual ta bay discuti e solicitudnan investigativo di defensa. E sospechosonan libera anteriormente tambe ta spera di ta presente.
Corte tin meta pa trata caso Mallorca prome cu berano di 2022.

Potret: Hart van Nederland.

LEAVE A REPLY

Please enter your comment!
Please enter your name here