Durante conferencia di fraccion di AVP den Parlamento, Parlamentario drs. Mervin Wyatt-Ras a trece pa dilanti cu e suministracion di vacuna na nos hendenan mester sosode fuera di politica. Wyatt-Raspor a tuma nota cu Prome Minister, minister di Salubridad y minister di Finanzas y Economia a tuma vacuna hunto, bisti tur tres mescos den uniform,manera cu ta Carnaval nan ta bay.

Despues pa tende den entrevista di Minister Presidente su declaracion cu a calcula cu hopi mas hende lo a inscribi of registra pa tuma e vacuna, perosolamente5000 persona so a registra, mientras cu a spera entre 17.000-18.000 persona lo a haci esaki. E ta trece pa dilanti como sifuera ta falta di interes di nos hendenan pa registra. Mervin Wyatt-Ras no ta di acuerdo cu loke e Prome Minister ta trece pa dilanti. Wyatt-Ras ta di opinion cu e otorgamento di vacuna mester ta los di bisti uniform, los di fanfaria, los di politikeria, pasobra ta trata di salud di nos hendenan. E vacuna lo yuda pa nos ciudadanonan porta mas protegi. E contagio por ser disminui y lo tene e virus bao control y lo por traha na inmunidad di nos hendenan. Segun Wyatt-Ras varios di nos ciudadanonan no a registra pa motibo cu no tin e informacion suficiente,pero tambe pa motibo cu tin personanan cu no por yega na e sitionan cu ta registra. Wyatt-Ras a yega di trece esaki caba pa dilanti y a haci preguntanan na minister. Diabierna ultimo a bolbe haci preguntanan na minister tocante di e asunto aki,caminda tin di nos hendenan no por habri un app, no tin smart phone, no por yega na e MFA pa nan registra y e personanan aki ta na cas. Tin cu yega den contacto cu e personanan aki, nan ta esnan cu tin malesa cronico, di edadnan halto di mas di 60 y tambe70, 80 y 90 plus. Tin cu tene cuenta cu e gruponan aki. Wyatt-Ras no ta haya cu gobierno ta haciendo esaki. Hasta den preguntanan a sugeri pa por tin contacto cu stakeholders, specialmente dokternan di cas y praktijk ondersteuners y otro dunadonan di cuido pa nan por coopera pa wak con nos hendenan por ser vacuna. Den relacion cu nos pueblo varios ciudadano a trece pa dilanti nan disgusto pa locual gobierno ta haci cu distribucion di e vacuna y ta haya cu esaki no ta husto.

Bo por bisa pa e situacion na Aruba DVG a publicacifradesde13 di maart 2020 cu e virus di COVID a drenta Aruba. Desde e tempo ey te awor e cantidad di casonan a subi te na 7000 caso positivo. Den hospital tin actualmente 20 persona interna. E cantidad di casonan positivo di e dia ta 40. Den e simannan pasa tabata entre 30 pa 50 caso pa dia. E cantidad a baha un tiki pero mester keda cuateloso paso e cantidad di caso por aumenta atrobe, teniendo cuenta cu e variante(nan) di COVID.

E hecho cu mandatarionan ta haci asina hopi propaganda ora e vacuna a yega y na momento di tuma vacuna, no ta yuda. Esaki a trece henter e asunto di vacuna den un luz politico. Wyatt-Rasta lamenta esaki.

E.o. Wyatt-Ras a puntra dicon no ta envolvi dokternan, praktijkondersteuners y otro dunadornan di cuido cu conocenan pashentnan vulnerabel? El a puntra si tin un“meldlijn” of liña di telefon pa meld na momento cu algo no bay bon cu un patient cu ser vacuna? Cuanto vacuna lo ser otorga totalmente? Wyatt-Ras a haci pregunta encuanto e registracion pa asina cu nos hendenan cu netamente mester ta ser vacuna. Dicon te ainda minister di Salubridad no a entrega e plan di registracion na Parlamento?Minister no kier papia di esey,kiermen en tin cois di sconde?

Na e momento aki tin “willekeur”. Ken cu bin y cu ta famia of amigo ta haya vacuna. Wyatt-Ras no ta kere esey ta e forma corecto. Nos mester tin transparencia den esaki,pasobra ta trata placa di pueblo. A lo largo si bo wak bon ken ta bai paga e cuenta aki? Tog nos pueblo tin cu paga. Wyatt-Ras a punta minister si tur e vacunanan ta ser su ministra tur dor di Hulanda of tin unlimite? Ta cuanto vacuna Hulanda lo bai manda pa Aruba? Lo mester bai paga pa e vacunanan a lo largo y si ta bai tin medidanan pa loke ta trata esaki pa paga e vacunanan?Wyatt-Ras ta menciona cu tabatin famia cu a perdenan ser keri dor di COVID. E famianan aki mester tin prioridad pa ser vacuna. Pero gobierno ta scoge pa e tres miembro bai vacuna mientras 100.000 ciudadano ta sin vacuna.

E minister encarga cu Salud mester cuminsa contesta parlamentarionan y duna cuenta. Gobierno mester duna informacion y no solamente haci bunita y previlegia su mes y su“friends and family”.Pesey Wyatt-Ras ta condena e actitud aki di gobierno, paso e salud di nos pueblo ta di importancia.

Ta necesario pa duna bon informacion encuanto pro y contra di vacuna, pasobra den pueblo e parlamentario ta encontra un cantidad di cuidadano cu no ta motiva pa bai tuma vacuna a base di falta di informacion of informacion no corecto. E personanan aki hopi biaha no ta riba medionan social of no ta skucha radio niwaktv. Mester yega na e personanan aki tambe.

LEAVE A REPLY

Please enter your comment!
Please enter your name here