Dialuna ultimo, presidente di Colombia, Iván Duque a calcula cu e pandemia por ta presente ‘por lo menos un aña mas’, loke ta aleha un total reactivacion di actividadnan despues di cuatro luna di restriccion pa via di un virus cu apenas ta drentando den su fase critico na e pais.

Den un mensahe virtual pa Congreso cu motibo di instalacion di un aña legislativo nobo, Duque a descarta un fin proximo di e medidanan di aislamento, aunke e emergencia sanitario a causa dañonan economico.

“Cuida salud y bida simultaneamente pa reactiva e bida productivo, cu distanciamento social, ta e deber di henter mundo, hopi mas awor cu tin cu stop e Covid-19, cu no ta facil pasobra no tin vacuna, tratamento y inmunidad sigura, y lo bay ta presente por lo menos un aña” e mandatario a sostene.

Den sentido aki, el a señala cu ‘mientras ta desaroya algun mecanismo efectivo’ lo ‘protege e bida di e personanan, e bida di empleo y bida di empresanan’.

Cu un poblacion di 50 miyon habitante, Colombia a supera dialuna ultimo 200.000 contagio desde cu a detecta e prome caso dia 6 di maart.

E mortonan pa enfermedad lo surpasa 7.000 probablemente, loke ta situa Colombia na e di cinco luga di e nacionnan Latino Americano cu a haya mas castigo di e pandemia despues di Chile, Peru, Mexico y Brasil.

Dia 25 di maart, Duque a impone medidanan di aislamento preventivo obligatorio cu, den principio, lo ta vigente te 1 di augustus.

Sinembargo, pa via cu e crisis economico a bira pio –cu cinco miyon di empleo destrui– a relaha e restriccionnan ora e pais ta drentando den periodo mas critico di contagio y fayecimento.

 

 

LEAVE A REPLY

Please enter your comment!
Please enter your name here