Bon Dia Aruba a publica dos dia pasa un articulo tocante secresia medico cu ta un informacion hopi delicado y sensitivo, principalmente den dianan aki cu Aruba ta hayando mas casonan positivo di Covid-19.

Tocante esaki Bon Dia Aruba a tuma contacto cu Departamento di Salud Publico (DVG) pa puntra tocante ki medida DVG a tuma pa evita leakmento di dato confidencial. Pa cu esaki Jurette Croes PR di e departamento a comenta cu DVG su seccion cu ta maneha e datonan personal di e pashentnan di Covid-19 ta e mesun seccion cu ta encarga cu maneho di malesanan infeccioso.

El a agrega cu nan ta profesionalnan cu aña aden aña afo ta traha cu informacionnan personal di pashent. “E informacionnan cu ta leak eyfo, nos por garantisa cu di DVG nan no ta bezig ta leak” Croes a señala.

“E ta un situacion hopi lamentabel sigur, esunnan cu ta haci esaki no sa e daño cu e ta ocasiona. Y nos ta sigur cu si tabata su informacion mester leak lo e no aprecia esaki tampoco”. Croes a bisa.

Tambe a wordo puntra cu ken mas ta haya informacion den e proceso di prueba di Covid-19, si DVG so of algun otro departamento pa loke el a menciona cu e diferente laboratorio cu ta haci test tin e informacion aki y despues DVG su personal responsabel ta haya e resultado.

 

LEAVE A REPLY

Please enter your comment!
Please enter your name here