Ecuador: Centenares a protesta contra aumento di prijs di combustibel

Centenares di persona a protesta diahuebs pasa na Quito contra e aumento di e prijsnan di combustibel cu a ser decreta pa e gobierno pa enfrenta su dificultad economico. 

Den filanan a lo largo di tres cuadra di e cayanan, e manifestantenan a marcha na e centro historico di Quito cu pancarta cu tabata bisa ‘gasolin subi, tur cos ta subi’ y ‘no na e paketaso’.

“E aumento di e gasolin ta haci daño na tur Ecuatorianonan, tur e subida di combustibel ta afecta e canasta basico”,  Mesías Tatamuez, lider sindicalista a bisa.

Tatamuez a sigura cu e mobilisacion lo bay sigui na januari, ora tin premira e aumento di e prijs di diesel.

E gobierno di Lenin Moreno progresivamente a subi e prijsnan di combustibel, y a bisa cu durante 40 aña, e Estado a gasta miyones na subsidio, y na e momento dificil cu e economia Ecuatoriano ta atravesa, e ahustacion di e balornan ey ta necesario.

Segun e ministerio di Energia, den ultimo decada so, den e cual e iskierdista Rafael Correa a goberna (2007-2017), e subsidio tabatin un costo di 50.000 miyon di dollar pa e pais.

E gobierno a anuncia na augustus e aumento di e prijs di gasolin super, di octanahe halto. E galon Mericano a subi di 2,48 pa 2,98 dollar y diahuebs pasa a subi di 3,10 dollar pa por tin un prijs internacional.

E mesun siman aki e gobierno a aumenta e balor di e gasolin extra, di e mayor uzo na e pais. E prijs tabata di 1,48 a subi pa 1,85 dollar.

Segun e autoridadnan, e transporte publico y e sector di pesca no lo bay ta afecta pa e aumento di e combustibel, pa motibo cu nan lo bay ta beneficia di ‘compensacion’ cu te ainda no ta defini.

You May Also Like

Cuba: Indignacion pa ayudo di medicamento pa Venezuela

E noticia di 933 tonelada di medicamento cu gobierno Cubano y Chines a duna ...

Eleccion municipal na Nicaragua a conclui sin ningun problema

E proceso di eleccion municipal na 153 municipio di Nicaragua a conclui ayera sin ...

Venezuela: Canada a nenga votacion na embahada Venezolano

(Dolartoday/NoticieroDigital) E canciyer Venezolano, Jorge Arreaza, a sigura cu gobierno di Canada a viola ...

Esmeralda cu balor di $450 miyon descubri na Brasil

Un cooperativa di Brasil di minero a haya un esmeralda di 360 kilogram di ...

Chile:Temblor di magnitud 6,7 a sacudi e zona Centro Norte diasabra pasa

Un temblor di magnitud 6,7 a sacudi e zona Centro Norte di Chile diasabra ...

Shete morto y varios persona herida pa via di yobidanan fuerte na Sao Paulo

Shete persona a fayece y varios a resulta herida pa yobidanan fuerte cu a ...