E presidente di Merca, Donald Trump, a afirma ayera cu lo bay forsa su pais pa cera e frontera cu Mexico si Congreso no priminti construi e muraya.

“Nos lo obliga nan cera e frontera sur completamente si e democrata obstruccionista no duna e placa pa finalisa e muraya”, el a expresa riba su cuenta di Twitter.

Despues, el a indica cu Merca ta perde hopi placa na e comercio cu Mexico bou e TLCAN, mas di 75 mil miyon di dollar pa aña (no ta inclui e placa di droga), y a señala cu e ceramento di e frontera lo bay ta un ‘operacion di ganashi’ pa su pais.

Na final, el a bisa cu lo bay corta e ayudo economico pa Honduras, Guatemala y El Salvador pa motibo di ‘no haci nada’ pa evita e caravana di migrantenan.

E accionnan cu Trump y Congreso a tuma, ta mustra cu e ceramento parcial di e administracion lo bay dura te na principio di 2019, como minimo, ora e miembronan di e Senado reuni pa trata e tema.

“Presidente Trump no kier pa gobierno permanece cera, pero no lo bay firma un proposicion cu prome no ta priorisa e siguridad di nos pais”, e Cas Blanco a indica den un comunicado, despues cu Trump mes papia di e senadonan democrata kende no a apoya e construccion di e muraya.

E oficina di presidencia a argumenta cu Trump y su ekipo ‘a keda na Washintong durante Pasco, cu e speransa di negosha un pacto pa re- habri e administracion’, pero el a contesta pa e democratanan cu ‘nan dicidi pa bay cas bek’.