(AP) — Asociacion Nacional di Comercio Priva di El Salvador, y un universidad Jesuita, ayera a haci un yamado pa restaura huesnan retira como un condicion riba cualkier prestamo nobo di Fondo Monetario Internacional pa gobierno di presidente Nayib Bukele.

Nan kier pa IMF rekeri e gobierno restaura un Procurador General retira y laga cla cu Bukele no por postula su mes pa presidencia mas.

Anteriormente e aña aki, e partido Nuevas Ideas di Bukele a reemplasa e cinco miembro di Camara Constitucional di Corte Supremo y e Procurador General independiende kendenan tabata contra varios accion anterior di Bukele.
Tiki despues, e Camara Constitucional a laga un banda loke pa largo tabata interpreta como un prohibicion constitucional riba reeleccion presidencial consecutivo, preparando escenario pa Bukele potencialmente busca un segundo termino na 2024. Bukele te awo no a anuncia ningun plan pa busca reeleccion, pero su criticonan ta asumi cu e ta bay hacie.

Bukele a pidi $1.3 biyon den financiamento for di IMF, cu e tin intencion pa usa den construccion di un aeropuerto nobo y linea di trein Pacifico.

Bukele rapidamente a subi Twitter, su plataforma preferi, pa critica e yamado di e grupo comercial y e Universidad Jose Simeon Cañas. “Nan kier bolbe na goberna nos pais, of hacie bancarota. Y nos pueblo? Nan no ta importa”, Bukele a skirbi, notando cu e universidad y e grupo comercial anteriormente tabata den bandanan opuesto di e spectrum politico.

“Awo ta cla cu nan tabata e mesun cos, y negociando bao mesa”, el a skirbi.
E presidente populista, eligi na 2019 a mantene popularidad halto cu su promesanan pa caba cu corupcion cu tabata rampante entre e partidonan tradicional di e pais.

LEAVE A REPLY

Please enter your comment!
Please enter your name here