E atleta Paralimpico di Aruba, esta Elliott Loonstra a logra un medaya di Plata den e clasificatorio pa e Weganan Paralimpico Tokyo 2020. Elliott a logra yega e gran final unda e mester a enfrenta Franscisco Pedroza di Mexico, cu ta rank number 7 di mundo compara cu Elliott na number 23. Elliott Loonstra ta keda cortico pa e Weganan Paralimpoco Tokyo 2020
Mester bisa cu a pesar cu Elliott a bringa bon y duna un bon bataya e la cay venci cu e score di 31 – 9. Pa Elliott esaki tabata e miho pelea bringa den e dos añanan practicando Taekwondo. Di 5 torneo internacional Elliott a logra gana 3 medaya. Elliott ta contento cu su pelea, tur hende a bis’e cu e la bringa tremendo y cu corahe, e palabranan ey ta duna corahe pa e sigui traha duro. Segun entendi Elliott y su coach Mazzeo lo por pidi un posible wild card pa asina toch logra yega e Weganan Paralimpico Tokyo 2020.
