Sikiera dos persona a muri y otro dos a resulta herida, ora dos edificio di residencia di cuater piso a cay ayera diabierna na un bario popular di Rio de Janeiro, e ekipo di rescate ta den buskeda di mas victima entre e escombro. Ta calcula cu tin 17 persona desapareci.
E cuerpo di Bombero di Rio de Janeiro a confirma e morto di dos persona y e rescate di dos persona herida, tambe a señala cu habitante di e luga a indica cu otro victima a keda trapa bou di resrtonan di e dos edificio, ubica na e bario di Muzema, zona west di e ciudad.
Tambe e organismonan di rescate a informa, cu e mesun bisiñanan a rescata un homber kende a ser traslada pa Cuerpo di Bombero pa un hospital cercano.
Pa motibo di e risico cu e terenonan por, los y pa facilita labor di rescate di e bombero y Defensa Civil, autoridadnan a dicidi di cera e zona.
Alcaldia di Rio de Janeiro, cu den proximo oranan lo por haci entrega di un balans inicial di e victimanan y daño material, a comunica cu cerca di setenta edificio den e region a ser construi di ‘manera iregular’ den zona di ‘risico halto cu terenonan por los’.
