Apenas un siman atras, BuzzFeed News a publica un reporte acusador detayando racismo, miedo, represalia y intimidacion na e set di The Ellen DeGeneres Show. Entre un ‘ambiente toxico’, supuesto instancianan unda productornan a ‘bully’ personal, haci comentario racista na empleadonan color scur, y despedi un empleado cu a tuma AO despues di un intento di suicidio ta resalta.

Awo cu e reporte a yega na tur skina di internet, un fuente ‘conecta cu produccion di e show’ a revela na Us Weekly cu e personal ta contento cu nan a logra expresa nan problema na un publicacion y haci esakinan conoci publicamente.
E fuente a bisa e revista: “Nan ta yamando y mandando mensahe di texto na otro tocante e storia. Nan ta stima cu e berdad – cu tabata un secreto abierto pa añanan den e industria – finalmente ta ricibiendo mas interes.”

Ta tuma hopi curashi y forsa pa papia contra dunado di trabou – specialmente un asina poderoso manera The Ellen Show – y lucha pa un luga di trabou husto y inclusivo. Cu tur acusacion tocante kico a pasa den e ambiente laboral, ta di compronde pakico nan ta sinti alivio cu tur cos a keda revela.

Ellen ainda no a duna un declaracion tocante e cultura di trabou toxico na su show. Contestando na e reporte original, productornan Ed Glavin, Mary Connelly y Andy Lassner a bisa E!News: “Nos curason a kibra y nos ta sorry di tende cu sikiera un persona den nos famia di produccion tin un experiencia negativo. No ta ken nos ta y no ta ken nos ta aspira di ta, y no ta e mision cu Ellen a duna nos. Pa e record, e responsabilidad diario di e show ta completamente riba nos. Nos ta tuma esaki completamente na serio y nos ta realisa, como hopi den mundo ta siñando, cu nos mester ta miho, compromete pa ta miho, y nos lo ta miho.”

 

LEAVE A REPLY

Please enter your comment!
Please enter your name here