E problemanan legal ta parce di no tin fin pa Paulina Rubio. E cantante Mexicano ta enfrentando un demanda nobo presenta pa un compania di credito na Miami, Florida, y pa cual ta exigi pa e paga $28mil.

E demanda a keda presenta pa credito no cubri solicita pa e ‘Chica Dorada’ y cu e lo a usa pa paga e cantidad di deuda cu el a acumula, manera e gasto di alimentacion di su yiunan, e pension cu e ta duna su ex-esposo Nicolas Vallejo-Nagera y e respectivo pago di su abogadonan.

E programa di espectaculo Ventaneando a duna di conoce e demanda nobo, informando cu e cantante no a paga ‘creditonan no cubri cu ta alcansa un monto di $28,622’. A presenta e demanda dia 28 di october ultimo den corte civil di Miami, Florida, pa loke Paulina Rubio ainda no a pronuncia al respecto.

Mester corda cu Rubio mester cubri varios gasto pa luna, pa loke e demanda aki por nifica un golpi duro pa su economia.

E cantante Mexicano ta encarga di mantencion di su cas y su dos yiu, Andrea Nicolas y Eros; ademas e mester paga alimentatie di $7mil na su ex-esposo Nicolas Vallejo-Najera, miho conoci como ‘Colate’, compromiso cu el a adkiri momento cu nan a divorcia na 2014.

Rubio ademas mester continua cu e pago na su abogadonan, kende a respald’e den e bataya legal duro cu e ta mantene pa e custodia di su dos yiu.

 

LEAVE A REPLY

Please enter your comment!
Please enter your name here