Aruba Airport Authority N.V. (AAA), e compania cu ta maneha y opera Aeropuerto Internacioal Reina Beatrix (AUA Airport) ta informa tur pasahero biahando pa Merca cu desde December 1, 2021,AUA Airport lo introduci “Passenger Flow Control” na e terminal di check-in pa tur pasahero biahando pa Merca.

Basa riba acuerdonan haci entre Gobierno di Aruba cu US CBP na Washington recientemente, y relaciona cu trabounan di construccion cu ta andando den e terminal di AUA Airport y tambe en conneccion cu resticcionnan di Covid, AUA Airport a crea un manera den etapa pa asina permiti pasaheronan biahando pa Merca pa drenta e terminal di check-in Mericano pa ser procesa. Un asina yama“Passenger Flow Control”.

E concepto di Passenger Flow Control ta encera cu pasaheronan lo ser permiti pa drenta e check-in terminal basa riba gruponan separa cu nan codigo di color (Geel, Blauw y Oranje) cu a ser determina a base di e orario di salida di e vuelonan. Pasaheronan lo haya un tempo pre-determina pa drenta e check-in terminal manera indica den e tabel akibou.

E tempo pre-determina aki lo ser determina pa bishitantenan basariba e informacion cu nan indica den e ED (Electronic Disembarkation) Card na yegada. Aki e orario di vuelo di salida lo mester ser indica. Residentenan biahando for di Aruba pa Merca lo mester wak e orario di e salida di nan vuelo pa determina ki ora nan lo ta permiti pa cuminsa e proceso di check-in (no mas prome cu 3 ora prome cu e vuelo sali). E Passenger Flow Control ta pa preveni cu pasaheronan ta yega (mucho) trempan na AUA Airport pa check-in. Esaki lo keda vigente durante e periodo di Winter cuminsando1 di December 2021 te cu12 di Maart 2022.

AUA Airport lo tin embahadornan trahando na e terminal di check-in Mericano pa activamente controla e tempo pre-determina pa check in pa cada pasahero. Pasaheronan cu yega mucho trempan lo mester warda pafo pa por drenta ora nan orario yega.

 

Cu e control di e fluho aki AUA Airport ta premira di por maneha e proceso di e pasahero mihor na e varios puntonan di chekeo den full e proceso den e terminal y asina contribui na haci e liñanan mas cortico y pa baha e tempo di espera cu lo resulta den un ambiente mas sigur y cu mihor nivel di servicio pa tur pasahero.

AAA ta conta riba e participacion activo y control pa cu esaki dor di tur partner envolvi den e proceso aki pa sigura cu e pasaheronan lo ser treci na AUA Airport “na ora” segun nan tempo pre-determina pa check-in pa nan biahe pa Merca.

 

LEAVE A REPLY

Please enter your comment!
Please enter your name here