‘Entre otro pruebanan di placa cu Tera Group y 24 ora.com a ranca na RDA, Utilities y Elmar’

Parlamentario Endy Croes a comenta cu durante reunionnan publico di parlamento a pidi ministernan concerni pa trece documentonan di RDA, Utilities y Elmar pa asina parlamento por pone nan mes na altura di locual tabata e maneho di Mike Eman, Mike De Meza y AVP den e companianan aki di gobierno.

Minister Presidente momento cu e tabata na turno a  suministra un cantidad di file y documentonan cu tur informacion relevante. Pa diferente rason tecnico parlamento a haya esakinan “ter inzage” esta nan ta wordo poni riba un mesa den sala di parlamento pa e parlamentarionan cu tin deseo y necesidad por mira esakinan y tuma algun nota pero no ta permiti pa saca copia ainda pero si kisas poco mas den futuro. Mas cu claro como parlamentario cumpliendo cu e trabao cu pueblo ta spera di bo como  parlamentario, Croes a repasa cada documento rigurosamente.

Privilegio na compinchi y amigonan

Pa sorpresa di otro mundo parlamentario Croes no por a kere e sumanan di 5 y 6 cifra cu algun compania a haya for di tanto RDA, Utilities y Elmar. Un di e companianan kendenan tambe a strica mas di 5 miyon florin di gobierno awor a sali na cla cu nan a strica, haya of kisas “horta” na un forma legal masha hopi placa di e companianan estatal menciona aki riba. Ta incomprendibel con Mike Eman y Mike De Meza a privilegia Patrick Paskel y Speed Andrade via companianan estatal cu asina tanto placa. Ta comprendibel awor dicon prijs di awa y coriente berdad no por a baha. Mediante companianan Tera Group di Patrick Paskel y 24Ora.com di entre otro Patrick Paskel y Speed Andrade a cobra sumanan monstruoso den RDA, den Elmar y den Utilities. Awor por comprende unda e placa di biahamento na cantidad pa carga maletanan di minister tabata bin.

Puyitonan a sali for di macutu

Pregunta cu Croes kier lansa mesora na e directornan di tur e companianan aki ta cu “si nan no tabata tin e pudor di frena e ministernan cu nan peticionnan astronomico pa nan amigonan?” Feestvierend onder de tent ta locual a tuma luga den e companianan aki. Parlamentario Endy Croes no por comprende cu bo ta wordo buta eynan pa defende e interes di e compania estatal y tabata logico cu bo ta para un of mas minister cu nan peticionnan fuera di tur contexto pa nan amigonan di cas y amigonan personal.

Conciudadanonan, ta un cantidad di locura a tuma luga cual pronto nos lo bay over na publica un pa un cu nomber y fam. Pueblo tin derecho pa sa con nan placa a wordo malgasta. Pregunta ta keda si esunnan responsabel no lo mester duna cuenta? E Pais aki bou maneho di  Mike Eman, Mike De Meza y AVP a perde tur clase di gevoel, norma y balor?  No tabata tin e sentimento comun mas? E ser humano ya no tabata conta pero mas bien e placa pa amigo tabata na prome luga. Patrick Paskel y Speed Andrade ta forma parti di e clan cu a gosa no solamente den gobierno pero awor puyitonan a cuminsa sali for di e macutu alrespecto companianan estatal tambe. Ta strica nan a strica na un forma monstruoso.

 

Cranchi a cera

Parlamentario Croes ta splica di tin caba tur detaye y ta cuestion di repasa tur e documentonan aki profundamente unda lo divulga nan pa pueblo por saca su conclusion ta pakico e gruponan aki di Tera Group y 24Ora.com cueste loke cueste lo keda manipula pueblo. Cranchi a cera y nan ta desespera. Bida di luho y tasnan pa señora manera tasnan di Louis Vuitton, Gucci, Carolina Herrera y Prada a bira dificil pa cumpra awor. Wel mester trece poco hende bek na realidad. Pueblo no por tabata sufriendo anto algun di boso cu conocemento di minister y directornan na un manera cruel tabata chica placa for di companianan estatal. Keda pendiente pueblo pasobra pronto nos lo bin afo cu tur cos y no lo descarta investigacion pa wak si e eficacia (doelmatigheid) di e placanan aki a cuadra cu nan proposito, Croes ta termina bisando.

You May Also Like

6Aug,JO, FHMDD.JPG

Criterio pa haya refugio na Fundacion pa Hende Muhe den Dificultad

Recientemente den e siman cu a pasa so tabata tin dos caso caminda nos ...

Serlimar Aruba.jpg

Rutanan di Serlimar ta adelanta cu 1 dia durante Semana Santa

Serlimar ta comunica e siguiente adaptacion haci den su rutanan residencial: Tur ruta residencial ...

Lo bin cu experto di afo pa haci investigacion riguroso riba derame di diesel na hospital

Ayera empleadonan y pashentnan di Hospital Horacio Oduber a pasa den un susto grandi ...

15reaccion (JO) (3).JPG

Aña electoral ta na caminda anto gobierno no a traha un base

Gobierno a presenta su plan di maneho pa proximo aña den locual a toca ...

images.jpg

Aruba ta exigi cu Reino ta revoca e nombracion di Boekhoudt como gobernador

Den un carta cu Bon Dia Aruba a obtene exclusivo diasabra anochi y a ...

Gobierno ta purba di recupera terenonan otorga di forma ‘straño’

ORANJESTAD – Otro luna gobierno bin cu un maneho nobo riba tereno comercial y ...