Campañadonan Hulandes, kende a biaha pa Grecia pa busca 150 refugiado for di e camponan na e pais, ta bolbe Hulanda man bashi.
Rikko Voorberg, di e grupo We Gaan Ze Halen (‘Nos Lo Busca Nan’) a bisa cu autoridadnan na Grecia no a responde na peticionnan pa un reunion, segun un relato di dutchnews.nl. E grupo tabatin plan pa trece e refugiadonan na Hulanda den un flota di como 30 auto, via terrestre. “Nos semper a bisa cu nos tabatin speransa pa un milager sucede, y esaki no a pasa”, Voorberg a bisa. “Locual si a pasa, ta cu e reubicacion di e refugiadonan ta bek riba e top di e agenda politico.”
Vice minister di Inmigracion, Mark Harders, a bisa prome cu e grupo a sali pa Grecia, cu cualkier refugiado cu nan trece lo wordo manda bek na Grecia, pa motibo cu nan lo mester haci peticion pa asilo na e prome pais Europeo unda nan yega.
