Mount Etna, e volcan mas activo di Europa, a asombra vulcanologonan den dianan recien cu lansamentonan spectacular di lava iluminando e cielo Siciliano cada anochi.
E erupcion di mas recien durante anochi a tuma luga alrededor di 0900GMT diamars, segun Instituto Nacional pa Geofisica y Vulcanologia di Italia.
Pa mas cu un siman, Etna ta lansando lava, as y piedra volcanico a base regular. Aeropuerto Catania, cerca di e volcan, a cera temporalmente, y residentenan di e pueblo di Pedara a bisa cu un dia siman pasa a mustra comosifuera ta piedra ta yobe mientras un clechi diki di as a cubri e pueblo.
Vulcanologo Boris Behncke di centro di observacion Etna di e instituto nacional a sigui e paroxysmonan recien cu asombro. Skirbiendo riba website di e instituto e siman aki, el a bisa cu despues di ‘regala nos momentonan di suspenso’ durante e anochinan anterior, Etna finalmente tabatin un erupcion den un forma cu ‘esnan di nos cu a traha den esaki pa varios decada casi nunca a mira’.
Referiendo na e actividad durante anochi, el a tweet diamars: “Mi a referi na e paroxysmo di Etna riba e anochi di 20-21 di februari como ‘increiblemente poderoso’? Wel, su sucesor, den anochi di 22-23 februari, tabata HOPI mas poderoso.”
Te awo, no tin reporte di daño of heridonan.
