Reina Britanico, Elizabeth II lo papia den un discurso televisa diadomingo dia 7 di maart, prome cu Commonwealth Day, e mesun dia cu lo transmiti prins Harry y Meghan Markle nan entrevista cu Oprah Winfrey, segun reportenan.
A diferencia di servicionan di Commonwealth Day na Westminster Abbey, cu a marca e prome presentacion real pa e Duke y Dukesa di Sussex, e plan e aña aki a keda cancela pa motibo di pandemia di Covid-19. E reina di 94 aña di edad na luga di esaki lo comparti su mensahe den un programa transmiti riba BBC One, segun The Daily Mail a reporta ayera. E special di television tambe lo inclui miembronan prominente di realesa, incluyendo prins Charles, prins William y dukesa Catherine.
Commonwealth Day ta dialuna dia 8 di maart.
Aña pasa, Harry y Meghan a retira di nan puesto como miembronan senior di famia real. Diabierna ultimo, palacio di Buckingham a confirma cu e pareha – cu ta sperando nan segundo yiu – no lo ta miembronan trahado di famia real. “Mientras tur ta tristo pa e decision, e Duke y Dukesa ta keda miembronan hopi stima di e famia”, e declaracion a bisa.
Harry y Meghan actualmente ta biba na California cu nan yiu Archie, cu ta cumpli 2 aña e spring aki.
Anteriormente e luna aki a keda revela cu Winfrey lo sinta cu Harry y Meghan pa un entrevista di 90 minuut riba CBS. “Winfrey lo papia cu Meghan, dukesa di Sussex, den un entrevista riba varios topico cubriendo tur cos desde cuminsa bida como un miembro di famia real, matrimonio, maternidad, trabao filantropico, te con e ta manehando su bida bao presion publico intenso”, CBS a anuncia anteriormente.
Ta pensa cu e entrevista ta ‘motibo pa preocupacion’ den e cas real, un fuente a bisa Page Six, notablemente pa su ruman, prins William.
Winfrey tabata un invitando na e boda luhoso di Harry y Meghan na mei 2018.
