workplace-harrasment.jpg

Acoso sexual, ta algo cu ta pasando aki na Aruba? Falta di concientisacion y datonan  tocante acoso sexual na pia di trabou ta haci dificil pa yuda of proteha un victima. P`e  motibo aki ta existi e necesidad  pa investiga  si tin un cantidad (halto) di casonan cu ta sosode  den organisacionan na Aruba cu no ta wordo raporta . Concientisacion  ariba e tema aki lo percura pa un miho reglamentacion.

Den e sigiente lunanan lo tin un investigacion cu lo wordo conduci pa un studiante di e Departamento  di  Organization, Governance & Management na e facultad di Arts & science na Universidad  di Aruba, Jezabel Stamper. Esaki ta un investigacion hopi importante relaciona cu finalisacion di su estudio riba e tema di Acoso Sexual na pia di Trabou. Como un studiante ta su deseo pa contribui na e area di maneho di organisacion cu un tema specifico cual ta acoso sexual. E meta di e investigacion aki ta pa purba haña sa den ki grado e presencia di acoso sexual ta presente den e organisacionnan na Aruba. ‘Tin falta di informacion y estudio haci riba e topico akin na Aruba. Alabes, ta sinti cu falta  concientisacion riba e tema aki den nos comunidad. P’e  motibo aki ta importante pa stimula tur esnan envolve den e forsa laboral di Aruba pa participa den e encuesta aki’, Stamper a splica. E meta di e estudio aki ta pa pa acumula data y procesa e informacion cu lo sirbi pa mehora reglamento y procedura di organisacionnan local. E investigacion aki lo wordo haci via un encuesta online. Tur informacion di e investigacion aki ta anonimo y confidencial.
  E encuesta aki ta pa tur persona den sector laboral cu ta 18 aña of mas di edad y tin expereiencia di trabou. Addicionalmente, organisacionnan local lo wordo acerca pa asina tambe forma parti di e investigacion aki.

 Pa un resultado mas  representativo posibel referiendo na e tema, ta haci peticion pa personanan cu a experencia acoso sexual como tambe na esnan cu no tabata tin un experiencia asina pa nan tambe participa y yena e encuesta aki. E encuesta lo ta disponibel  riba e sigiente web link https://www.surveymonkey.com/r/FL8M62P
 Ta encurasha comunidad pa comparti e link aki cu famia, amigo y coleganan pa duna un man y contribui pa trece mas concientisacion  y yudansa na tur persona cu a yega di experiencia Acoso Sexual na Trabou aki  na Aruba.

No laga falta di informacion limita yudansa  y protection pa e victimanan.  Razon pa cual ta importante pa haci e investigacion aki . Bo contribucion ta hopi importante y aprecia. Cada encuesta registra lo yuda finalize e investigacion  importante aki cu lo contribui pa colecta informacion ariba e tema aki cual resultado lo wordo analisa di manera cu lo por contesta e pregunta ‘ Den ki grado acoso sexual ta presente den nos organisacionan na Aruba.’

E resultado di estudio haci lo wordo presenta na e Department of Organization, Governance and Management (OGM)na e facultad di Arts and Science na Universidad di Aruba y lo wordo publica den medionan di comunicacion.

 

LEAVE A REPLY

Please enter your comment!
Please enter your name here