(BBC) – Ta keda ‘tiki asociacion’ entre uso di tecnologia y problemanan di salud mental, segun un estudio di mas di 430mil adolescente di edad entre 10 pa 15 aña, ta sugeri.

Instituto di Internet di Oxford a compara mira television, uso di aparato y rednan social, cu sentimentonan di depresion, tendencia suicida y problemanan di comportamento. A haya un reduccion chikito den asociacion entre depresion y uso di rednan social, y mira television, for di aña 1991 te 2019. Tabatin un aumento chikito den esey entre problema emocional y uso di rednan social.

“Nos no por a haya e diferencia entre impacto di rednan social y salud mental na 2010 y 2019”, co-autor di e estudio, Profesor Andrew Przybylski a bisa.

“Nos no ta bisando cu menos hende contento ta usa rednan social. Nos ta bisando cu e conexion no ta birando mas fuerte.”

Y esaki tabata un advertencia na legislador- y reguladornan enfoca riba creencianan comun tocante e efectonan dañino di tecnologia riba salud mental di hende hoben.

Participantenan na Merca y Reino Uni a evalua nan propio sentimentonan usando preguntanan fiho cu respuestanan na escala. Y puntra nan tocante e duracion di actividad riba aparatonan of rednan social, pero no a puntra nan mas specificamente con ta pasa e tempo ey.

E studio ta publica den e journal Clinical Psychological Science.

Na januari ultimo, un estudio a sugeri uso mas pisa di rednan social tabata vincula na malestar y autoestima negativo entre adolescentenan.

Otro factornan afectando salud mental di hende hoben ta inclui e pandemia di coronavirus.

Y gobierno Britanico a anuncia un inversion di 500 miyon libra den servicionan di salud mental, cu 79 miyon libra destina pa mucha y hende hoben.

LEAVE A REPLY

Please enter your comment!
Please enter your name here