FILE - In this Tuesday, May 19, 2020 file photo, a chemist holds a pack of hydroxychloroquine tablets in Mumbai, India. A Friday, May 22, 2029 report in the journal Lancet shows malaria drugs pushed by U.S. President Donald Trump as treatments for the coronavirus not only did not help but were tied to a greater risk of death and heart rhythm problems in a study of nearly 100,000 patients around the world. (AP Photo/Rafiq Maqbool)

Droga di malaria impulsa pa presidente Donald Trump como tratamento pa coronavirus no a yuda, y tabata vincula na un riesgo mayor di morto y problema cu ritmo cardiaco, den un estudiodi casi 100mil pashent rond mundo.

E reporte diabierna den journal Lancet no ta un test riguroso di hydroxychloroquine of chloroquine, pero ta e bista mas grandi di su uso den mundo real, mirando 67 hospital riba seis continente.

“No solamente no tin beneficio, pero nos a mira un señal hopi consistente di daño”, segun un lider di e estudio, Dr. Mandeep Mehra, specialista di curason na Brigham y Women’s Hospital na Boston.

Investigadonan ta calcula cu e cantidad di morto cu por atribui na uso di e droga, cu of sin antibiotica, ta alrededor di 13% compara cu 9% di pashent cu no ta tum’e. E riesgo di desaroya un problema serio di ritmo cardiaco ta mas cu cinco biaha mas grandi.

E estudio di droga di malaria no tabata riguroso, pero su tamaño y mira ta duna hopi impacto, segun Dr. David Aronoff, hefe di malesa infeccioso na Vanderbilt University Medical Center. “Realmente ta duna nos un cierto grado di confiansa cu nos no lo mira beneficionan mayor di e uso di e droganan aki den tratamento di COVID-19, y posibel daño”, Aronoff a bisa, kende no a participa den e estudio.

Trump varios biaha a impulsa e droga di malaria, y a bisa cu e ta tumando hydroxychloroquine pa purba preveni infeccion of minimisa sintoma di coronavirus. E droganan ta aproba pa tratamento di lupus y rheumatoid arthritis y pa preveni y trata malaria, pero ningun test grandi y riguroso a haya nan safe of efectivo pa preveni of trata COVID-19.

Hende suficiente malo pa bay hospital cu coronavirus no ta igual cu hende saludabel bebiendo e remedi den otro situacion, pues no por asumi siguridad di uso previo, Mehra a bisa. E droganan aki tambe tin efectonan secundario potencialmente serio. FDA a adverti contra uso di hydroxychloroquine cu antibiotica y a bisa cu e droga di malaria por ser usa pa coronavirus unicamente den esudionan formal.

Sin resultado di test mas estricto, ‘mester mira evidencia di mundo real’ pa mira siguridad of efectividad, Mehra a bisa. E resultado di e pashentnan aki, di un database di investigacion global, ta ‘lo mas real cu nos ta bay haya’, el a bisa.

Su estudio a mira casi 15mil hende cu COVID-19 ricibiendo un di e droga pa malaria cu of sin e antibiotica sugeri y mas di 81mil pashent cu no a ricibi ningun di e remedi ey.

Den total, 1,868 a bebe chloroquine so, 3,783 a bebe esey cu antibiotica, 3,016 a bebe hydroxychloroquine so y 6,221 a bebe esey plus antibiotica. Como 9% di pashent sin remedi a muri na hospital, compara cu 16% cu a bebe chloroquine, 18% cu hydroxychloroquine, 22% riba chloroquine cu antibiotica, y 24% riba hydroxychloroquine plus antibiotica.

Despues di tene consideracion cu edad, humamento, varios condicion di salud y otro factor cu ta afecta chens di sobrevivi, investigadonan a calcula cu uso di e droganan por a contribui na 34% te 45% di e riesgo excesivo di morto cu nan a observa. Alrededor di 8% di esunnan bebiendo hydroxychloroquine y antibiotica a desaroya problema di ritmo cardiaco versus 0.3% di pashent cu no a bebe niun di e droga di e estudio. Mas di e problemanan aki a ser mira cu e otro droganan tambe.

E resultadonan ta sugeri cu e droganan aki ‘no ta util y por ta dañino’ pa hende hospitalisa cu COVID-19, segun profesor Christian Funck-Brentano, di Sorbonne University na Paris, a skirbi den un comentario publica pa e journal. E no a participa den e estudio.

Experimentonan na caminda awo pa test e droganan aki den manera mas estricto ‘mester ser completa y no deteni prematuramente’, Aronoff a bisa.

Maske e estudio Lancet tabata grandi, bista observacional asina ‘no por controla tur factor posiblemente responsabel pa e resultadonan observa’, el a bisa.

LEAVE A REPLY

Please enter your comment!
Please enter your name here