Recientemente Ariana Grande a duna hopi di papia, sea pa su colaboracion den cantica ‘Stuck with U’ cu Justin Bieber, e acusacionnan cu el a cumpra su luga riba Billboard, of pa e comentarionan di Lana Del Rey. Sinembargo, e rumor cu mas sorprendente ta esun di su embaraso.
Diaranson ultimo, e cantante a publica un storia riba su cuenta di Instagram cu a bati alarma cerca su fanaticonan, pues algun di nan a sigura cu e cantante ta na estado. Riba e video cu a circula riba rednan social, pero cu no ta riba e cuenta di e cantante mas, por mira cu e ta ricibi dos persona. E prome ta usando un mondkapje preto, carson oraño y un sweatshirt. Pero locual a capta atencion ta cu e tin un caha di regalo cu tres balloon cu cara di animal y uno blauw. Riba e mesun clip ta aparece un homber cu otro bolsa di regalo, color ros. E personanan ‘tag’ riba e potret tabata e fotografo Alfredo Flores y e cantante Victoria Monet.
Algun di e usuarionan no a logra mira cu un di e balloonnan tabata bisa ‘Welcome Back’, pa locual e regalonan por tabatin otro nificacion.
Esaki no ta prome biaha cu e ex- strea di Nickelodeon ta sospecha di embaraso. Na 20185 despues di su compromiso cu e comediante Pete Davidson, hopi hende a pensa cu e pareha lo tin un baby. E rumornan tabata mas fuerte na momento cu riba un selfie di e cantante, por a mira locual tabata parce un cuna. E rumornan tabata asina fuerte cu Grande a saca otro potret similar den cual por mira realmente e cuna. Esaki pa specifica cu en realidad tabata di su mascota.
“Un biaha mas, esey ta pa mi porco. Ainda mi no tin un yiu secreto”, el a aclara den e publicacion october 2018.
