Ex-presidente Evo Morales tin “hopi miedo” cu na Bolivia lo por tin un guera civil pa loke diadomingo ultimo el a pidi su compatriota pa caba di biaha cu e enfrentamentonan.

“Mi tin hopi miedo. Den nos maneho nos a uni campo y ciudad, oriente y occidente, profesionalnan y no profesional. Awor ta bin gruponan violento”, Morales a adverti ora a puntr’e riba e riesgo di un guera civil na su pais.

Morales, kende tin asilo politico na Mexico desde 12 di november, a sigura den un entrevista cu tin “informacion di prome man” cu tin “paramilitar organisa” y “pandilla y drogadictonan paga” pa derecha Boliviano pa comete actonan violento den e cayanan di e pais.

Desde e eleccionnan di 20 di october pasa, cu a causa un crisis grave na Bolivia, al menos 20 persona a fayece y mas di 500 a keda herida den enfrentamento entre siguidonan y opositor di Morales.

Segun dato cu e mesun Morales a ofrece, e cifra ta mayor, pues den ultimo siman, despues di su renuncia 10 di november, lo suma casi 23 fayecido “di bala”.

“Mi ta haci un yamada na mi pueblo, di campo of ciudad, pober of esunnan cu tin poder economico, cu nos no por ta enfrenta pleitando. Mi kier cu boso lo laga e confrontacion aki,” el a reclama durante un entrevista.

Asina mes, el a sigura di ta arepenti di “ekipa e Forsa Arma” di Bolivia, cu ora Morales a yega te e poder na 2006 nan tabatin un helicopter so y cu awor nan ta uzando armamento “contra e pueblo”.

 

LEAVE A REPLY

Please enter your comment!
Please enter your name here