Evo Morales a reconoce finalmente cu un di su obhetivonan di su alianza cu Rusia tabata pa e pais dirigi pa Vladimir Putin lo por tabatin mas ‘presencia’ den America Latino, pa ekilibra e forsanan den region, aunke e no a bisa na cual otro nacion e ta referi.

Morales a bisa esaki den un entrevista cu e diario Spaño ABC, den cual el a defende tambe su lazonan cu Cuba y e plan di asistencia medico, aunke a descubri despues cu e mayoria di e supuesto mediconan no tabatin titulo.

“Hendenan awor ta na grito pidiendo pa e mediconan Cubano bolbe”, e mandatario ta bisa, cu a renuncia y a exilia na Mexico recientemente.

“Cu Rusia nos ta sperando, y mi kier pa tin presencia di Rusia na America Latino pa frena e forma di hegemoniza ey. Nos kier bon relacion cu Rusia cu lo permiti equilibra e situacion,” Morales a manifesta, y indicando e diferencianan cu tin cu su lazonan cu Beijing: “Mi tin bon relacion cu China, y cu nan mi ta papia di comercio, di desaroyo, di inverti.”

E lider Aymara tambe e evadi e pregunta tocante si tabata e mes cu nan a sorprende den un audio den cual e tabata ordena pa blokea e ciudadnan pa cuminda no drenta na e ciudadnan. Hamas el a nenga e acusacion. En cambio el a trata di dirigi e responsabilidad den direccion di su rival den eleccion, Carlos Mesa, y Organisacion di Estadonan Americano (OEA), ken el a acusa di a forma parti di e ‘golpi di estado’.

 

LEAVE A REPLY

Please enter your comment!
Please enter your name here