Ayera den un reunion di comision central Parlamento a dicidi cu e ultimo dia pa entrega pregunta riba e “ley di identificatieplicht” ta bira 17 di januari 2020. E Parlamentarionan cu a entrega e ley aki, esta sr. Tevreden y sr. Tjon, lo tin tempo despues pa contesta e preguntanan aki pa despues e ley por wordo trata.

Ley di “identificatieplicht.”
E necesidad pa introduci e ley aki ta pa por combati criminalidad mas eficaz. Un miho mantencion di orden di regla y mas siguridad den area publico, por wordo logra cu introduccion di un obligacion pa identifica bo mes si polis puntra bo pa haci esaki den cuadro di ehercemento di su tarea

E ta un instrumento cu ya caba ta wordo uza den diferente parti di mundo y Reino. Na un banda e ta hisa siguridad pa tur ciudadano, pero di otro banda e ta eleva siguridad tambe pa e oficial cu ta eherce su tarea.

Regla di evaluacion.
Den e ley a incorpora un regla di evaluacion pa garantisa cu despues di 3 aña ta evalua con eficaz y eficiente e instrumento tawata. Ta importante pa midi si e meta pa cual a introduci e ley wordo logra of si mester kisas adapta e ley.

Importante pa bolbe accentua cu e ley aki lo percura pa hacie posibel pa polis por determina identidad di un persona si esaki ta necesario pa e eherce su tarea. E persona en cuestion tin pues un obligacion pa mustra e polis su papel di identificacion. Consecuentemente esaki lo eleva siguridad den areanan publico pero tambe pa e oficialnan den ehercemento di nan funcion.

Campaña di conscientisacion

Tambe a señala e necesidad pa prome cu e ley drenta na vigor bin cu un campaña di conscientisacion. Esaki pa splica na pueblo e indole di e ley, e obligacion pero tambe e derecho di cada ciudadano. Tambe cada polis y “bijzondere opalsporingsambtenaar” lo mester sigui un curso y training pa e uzo di e instrumento aki.

Pa conclui
Den e simannan nos dilanti nos lo saca structuralmente articulonan informativo riba diferente partinan di e ley. Esaki pa splica pueblo exactamente kico e ley ta encera.

LEAVE A REPLY

Please enter your comment!
Please enter your name here