FILE - In this Sept. 24, 2019, file photo, former Google engineer Anthony Levandowski speaks to the media, as his attorney Miles Ehrlich stands behind him outside of a federal courthouse in San Francisco. Levandowski, a former Google engineer who helped steer the company’s self-driving car project, was sentenced Tuesday, Aug. 4, 2020, to 18 months in prison and ordered to pay more than $850,000 after pleading guilty to stealing trade secrets before joining Uber’s effort to build robotic vehicles for its ride-hailing service. (AP Photo/Michael Liedtke, File)

Un ex-ingeniero di Google a ricibi sentencia di 18 luna den prison despues di declara culpabilidad di hort secretonan di industria prome cu a join esfuerso di Uber pa construi vehiculonan robot pa su servicio di lift.

E sentencia entrega diamars pa hues Mericano, William Alsup a yega despues di mas di cuatro luna despues cu ex-ingeniero di Google, Anthony Levandowski a yena na un acuerdo di culpabilidad cu fiscal federal ken a trece un caso criminal contra dje augustus ultimo.

Levandowski, kende a yuda dirigi proyecto di vehiculo autonomo di Google prome cu bay traha na Uber, tambe a ricibi un multa di mas di $850mil.

Alsup tambe a tuma e stap inusual di recomenda Departamento di Husticia pa habri un investigacion criminal riba Levandowski mientras tabata presidi riba un huicio civil di perfil halto entre Uber y Waymo, un separacion di e proyecto di vehiculo autonomo cu Google a cuminsa na 2007 despues di contrata Levandowski pa ta parti di e team.

Eventualmente Levandowski a bira desilusiona pa Google y a bandona e compania na principio di 2016 pa cuminsa su propio compania di truck autonomo, yama Otto, cual eventualmente Uber a cumpra pa $680 miyon.

Sinembargo, prome cu bandona Google, Levandowski a download un cantidad di tecnologia di vehiculo autonomo di Google, resultando den 33 cargo di hortamento di propiedad intelectual. El a declara culpabilidad na un, culminando den e sentencia di diamars.

E acusacionnan a converti Levandowski, unabes regarda pa su innovacion den vehiculonan automo, den un figura notorio ‘casi sinonimo cu codicia loco den Silicon Valley’, segun su propio abogado a reconoce den documentonan entrega na corte siman pasa.

E abogadonan a argumenta cu Levandowski merece un tiki clemencia pasobra nunca tabatin evidencia cu el a usa secretonan di industria di Google mientras tabata supervisa division di vehiculo autonomo di Uber. El a perde e trabou ey na 2017, mientras a haci uso di e di cinco amienda contra testimonio auto-incriminante na momento cu Uber ainda tabata defendiendo su mes contra demanda di Waymo.

Uber a resolve e caso cu Waymo pa $245 miyon algun dia durante un huicio cu a conta cu su ex CEO, Travis Kalanick, papiando tocante algun di su discusionnan cu Levandowski tocante e deseo di Uber pa gana e careda pa construi vehiculonan autonomo.

Levandowski di 40 aña di edad a enfrenta un sentencia di prison di maximo 10 aña y un multa di $250mil. Ademas di sentencia Levandowski na 18 luna di prison, Alsup a dun’e $95mil di boet y orden pa paga Waymo $756,499 pa paga bek e compania pa e costonan cu a incuri yudando gobierno cu e investigacion.

Ta parce incierto si Levandowski lo logra cumpli cu e pago. El a solicita bancarota e aña aki despues cu otro corte a sostene un veredicto di arbitrahe cu tabata rekeri pa e paga Google $179miyon, mayoria di cual tabata consisti di un bonus cu el a ricibi pa su trabou riba vehiculonan autonomo.

Den su declaracion di victima, Waymo a bisa Alsup cu ‘malconducta’ di Levandowski ‘tabata enormemente dañino na Waymo, a constitui un traicion y e efectonan financiero probablemente lo ta mas severo ainda si no a detecta esaki’.

Den documentonan argumentando pakico Levandowski merece prison, fiscal David Anderson a referi na su robo como un acto ‘descuidado y shockeante’ cu tabata parce impulsa tanto pa ego como codicia. “Actonan di Levandowski ta sugeri cu e tabata kier wordo mira como e unico inventor di e vehiculo autonomo, manera Alexander Graham Bell ta ricibi credito pa inventa e telefon”, Anderson a skirbi.

 

LEAVE A REPLY

Please enter your comment!
Please enter your name here