examen scol 2016

E periodo di examen pa scolnan secundario a cuminsa. Awe e studiantenan di Havo tabatin examen den e vak Natuurkunde y esunnan di  Mavo y VWO den e vak Nederlands.

E fuente Hulandes AD ta bisa cu ya tin un record di keho (mas cu 14.000) riba e vak Nederlands pa VWO (lesa articulo Laks: Hel losgebroken over eindexamen Nederlands). Segun e studiantenan e examen aki tabata mucho dificil y largo pa caba den e tempo stipula. Na Aruba tambe tabatin kehonan pero te ainda no ta conoci cuanto alumno di VWO of Mavo no tabata contento cu examen Nederlands sea esun di Natuurkunde.

Resultado
E prome tanda di examen lo caba riba 30 di mei. For di 16 di juni e participantenan por spera e resultado si nan a slaag of no, sea ainda por haci herexamen.

Click aki pe:
rooster completo di examen Mavo
rooster completo di examen Havo
rooster completo di examen VWO

Bon Dia a yama Examenbureau pa wak cuanto studiante exacto ta haci examen. Pero nan no por duna e cifranan ainda, pasobra mester haya e informacion aki ainda di e 11 scol, asina un representante ta splica.

(Potret: Colegio Arubano)

LEAVE A REPLY

Please enter your comment!
Please enter your name here